daajis.com:-Koox Cunsuriyiiin Ingiriis ah oo lagu magacaabo (Brtian-First) oo
xoog ku galay Masjid UK ku yaal 7-Berina u Qabtay imaamka Masjidka inuu
Bur-Buriyo Tabeele Masjidka albaabkiisa ku dhagsan?
Kooxdan Cunsuriyiinta ah ayaa iyagoo Kabo Buut ah ay u xirnaayeen una
soo labisteen sida Askartii ayaa muddo usbuuc u qabtay Masjidka
Crayford inay bur-buriyaan,hadii aan laga fujin Albaabada Masaajidka ee
ay ku qoran-yihiin calaamada muujinayso (Sisters Only)iyo
(Brothers-Only)oo iyadu ah calaamad muujinaysa qolal ka mid ah Masjidka
inay Dumarka ku dukadaan,
Waxayna arintaas ku sheegeen inay ka soo horjeedaan oo ay ka
hor-imaanayso sharciga Uk u yaal oo ay ku sheegayeen Boqolaal sanno
awoowayaashood inay ka dhaxleen Rag iyo Dumar in la isku fasaxo,halka
Muslimiinta ay Masaajidyadda ku dhajinayaan Tabeelo ay ku
qoran-yahay(Sisters-Only)oo loogu tala-galay Qolalka Dumarka ay ku
tukanayaan dushiisa in lagu qoro,si aysan rag qolalkaas ugu galin
Dumarka.
Gudaha Masjidka ayay soo galeen iyagoo ku dhawaaqaya?aaway imaamkii
Masjidka?waxaana si xikmad leh oo buuq la’aan ah ula hadlay Oday waayeel
ah oo isagoo aan caro muujin u balan-qaaday codsigooda inuu ka
fiirsanayo,wuxuuna ku wargaliyay calaamadan inaysan aheyn Cunsurinimo.
Arinta u baahan in Odaygan Waayeelka ah lagu amaano ayaa lagu
sheegay,inuusan dhag jalaq u-siin handadaada loo jeedinayo,balse wuxuu
ka codsaday inay Kabaha iska bixiyaan,halka markii ay weydiiyeen
Jesus(Nebi-Ciise)ma aaminsan-tahay uu markiiba la soo booday(Yes)waan
aaminsanahay,halka Cunsuriyiinta ay ugu jawaabeen ma aaminsanid.
Waxaana arintan Dadkii daawaday ay bilad sharaf siiyeen Odayga
Waayeelka ah oo si Xikmad leh ula hadlay Kooxdan Cunsuriyiinta ee
fulayadda ah,waayo hadii ay geesiyaal yihiin Oday Waayeel ah sidaas uma
handadeen,hadii ay rag iska dhicinayaan Masjidka oo dhalinyaro ka buuxdo
oo la dukanayo ayay gudaha u soo gali-lahaayeen,markaasna shaki kuma
jiro in cshar loo dhigi lahaa ay ka sheekeeyaan.
Kooxdan Britian-First ayaa iyagu aaminsan qof aan Ingiriis dhalad ah
aheyn inuu ku noolaado Dalka Ingirisika,waana markii ugu horeysay ee ay
weerar ku soo qaadeen Masjid,iyagoo gudaha Masjidka la soo galay Buutkii
ay xirnaayeen.
FADLAN LIKE SII BOGGA DAAJIS.COM EE FACEBOOK.
_____________________
Xafiiska Shabakada Daajis.com
USA-Alaska
Ceelka@gmail.com
www.daajis.com
Facebook Blogger Plugin by deercali.blogspot.com | Get Widget
Posted by 23:56 and have
, Published at