daajis.com:-Waxaa Maanta Magaalada Muqdisho ka dhacay Kulan balaaran oo looga soo horjeeday Maamulka Koonfur Galbeed Soomaaliya iyo Qorshaha ay Dowladu ku dooneyso in Gobolka Shabeelaha Hoose ku hoos geeyso Magaalada Baydhabo.
Kulanka Waxaa kasoo qeyb galay Xildhibaano katirsan Baarlamaanka Soomaaliya gaar anaa kuwa kasoo jeeda Beesha Hawiye,Waxgarad , Aqoonyahano ,Dhalinyaro iyo Haween dhamaan ku abtirsada Beelweynta Hawiye.
Qeybaha kala duwan ee bulshada kulankaasi kasoo qeyb gashay ayaa si wadajir ah uga soo horjeestay Qorshaha ay Dowlada Soomaaliya Gobolka Shabeelaha Hoose ku hoosgeyneyso Magaalada Baydhabo iyo xubno Guddi ah oo loogu tala galay socod siinta maamulka Farqaha la heesto ee Koonfur Galbeed oo dhawaan Dowladu magacawdo.
Xildhibaan Cabdulaahi Jaamac oo hadal ka jeediyay Kulanka ayaa sheegay in Xildhibaanadooda iyo iyaga aysan marba qaadan doonin in Gobolka Sh/Hoose la hoosgeeyo Magaalada Baydhabo , waxa uuna tilmaamay bulshada ay wakiilka ka yihiin in gabi ahaan arintaasi kasoo horjeedaan.
‘’Dowlada waxaan ugu baaqayaa in ay joojiso waxyaabaha dhalin kara colaada iyo iska horkeynka dadka wadadaga, Gobolka Sh/Hoose, waxaan u sheegayaa Madaxda Dowlada in dadka Dega Sh/Hoose ay diideen damaciina guracan , Baydhabo in Shabeelaha Hoose la hoos geeyo waan diidnay, Xubnaha ay Dowladu iska qoratay ee kasoo jeeda Beesha Hawiye maahan kuwa matala dadkooda ‘’ ayuu yiri Xildhibaan Cabdulaahi Jaamac.
Waxaa Sidoo kale Kulanka ka hadlay Xildhibaan Cumar Maxamuud Finish oo isna si weyn uga soo horjeestay Aqoonsiga ay Dowladu aqponsatay Maamulka Koonmfur Galbeed, waxa uuna gabi ahaan sharci daro ku tilmaamay jiritaanka Maamulkaasi ,isagoona ugu baaqay Madaxda Dowlada in ay joojiyaan iska horkeenka Bulshada.
_____________________
Xafiiska Shabakada Daajis.com
USA-Alaska
Ceelka@gmail.com
www.daajis.com
Facebook Blogger Plugin by deercali.blogspot.com | Get Widget
Posted by 23:58 and have
, Published at