daajis.com:-Ilaa 500 oo ganacsatada xaafadda Islii ah ayaa ku guul dareystay inay
joojiyan go’aankii uu soo jeediyey wasiirka arrimaha gudaha Kenya,
Joseph Ole Lenku uu ku amray in qaxootiga jooga Kenya ay dib ugu
laabtaan xeryaha Dhadhaab iyo Kakuma.
Ganacsatada ayaa hadalka dood ka keenay waxaana ay maxkamadda sare ee
dalka horgeeyan dacwad ay ku diidan-yihiin qaxootiga in dib xeryaha
loogu celiyo, balse waxaa ay maxkmaddu taageertay hadalka wasiirka
waxaana ay ogalaatay in dib loo celiyo qaxootiga.
Hadal uu jeediyey garsooraha maxkamadda sare ee Kenya, David Majanja
ayaa waxaa uu ku sheegay inay ku fashilmeen ganacsatadan inay muujiyaan
in amarku uu xuquuqdooda xadgudb ku yahay oo dhibaato u keenayo
ganacsiyadooda.
“Waxaan idin sheegaya inuu go’aanku yahay in maxkadu
ogalaatay,waxaana amarku ku aaddanaa qaxootiga deggen xeryaha oo ay
waajib ku tahay in ay u hoggaansamaan sharciyada lagu maamulo xeryahaas.
Hadalkana kuma jiro wax cadaadis ah, wuxuu haystaa awood uu meelaha
qaar uga dhigi karay xeryo qaxooti” ayuu yiri garsooraha maxkamadda sare
ee Kenya Githu Muigai.
Sidoo kale, xukunka maxkamadda ayaa u oggolaanaya wakiilka hay’adda
arrimaha Qaxootiga Kenya, Harun Komen iyo xeer ilaaliyaha guud, Githu
Muigai inay fuliyaan amarka oo ay ganacsatada ka saaraan halka ay hadda
deggen yihiin.
Go’aanka maxkamada waxaa uu ku soo aadaya xilli ay hay’adaha u dooda
xaquuqda aadana ay ku dhaliilen dowladda Kenya tallaabada ay xeryah augu
celinayso qaxootiga.
_____________________
Xafiiska Shabakada Daajis.com
USA-Alaska
Ceelka@gmail.com
www.daajis.com
Facebook Blogger Plugin by deercali.blogspot.com | Get Widget
Posted by , Published at 14:30 and have
