daajis.com:-Masuuliyiinta maamulka degmada Boondheere ee gobolka Banaadir ayaa
sheegay in gacanta ay ku dhigeen sarkaal sare oo ka tirsanaa Alshabaab.
Gudoomiyaha degmada Boondheere ee gobolka Banaadir Qaasim Cabdulaahi
Xasan, oo saxaafada maanta kula hadlay degmadaasi ayaa sheegay in
sarkaalkaasi ay qabteen ciidamada amaanka ee degmadaasi.
Gudoomiyaha inkastoo uusan shaacin magaca sarkaalkaasi ay gacanta ay
ku dhigeen ayaa haddana wuxuu sheegay in sarkaalkaasi uu u joogay
degmada inuu sameeyo falal basaas ah, sida uu hadalka u dhigay.
Qaasim Cabdulaahi Xasan, ayaa sheegay in ciidamadooda ay sii kordhin
doonaan howlgalada ay ka sameynayaan degmadaasi oo ay kula dagaalamayaan
Alshabaab.
“Waxaan soo qabanay nin ka tirsanaa kooxda dhagar qabayaasha, waxaa
naloo sheegay inuu ahaa nin xaafado kale ka yimid, halkaana uu u yimid
sirdoon ahaan, waxaan u mahad celinaynaa shacabka”.ayuu yiri gudoomiyaha
degmada Boondheere eegobolka Banaadir.
Inkastoo gudoomiyaha degmada uu sheegay arintaasi ayaa waxaa wali
magaalada Muqdisho ka socda dilalka bareerka ah oo laga geysanayo
xaafadaha kala duwan ee magaalada Muqdisho.
_____________________
Xafiiska Shabakada Daajis.com
USA-Alaska
Ceelka@gmail.com
www.daajis.com
Facebook Blogger Plugin by deercali.blogspot.com | Get Widget
Posted by , Published at 20:51 and have
