daajis.com:-Shabakadda Caasimada Online ayaa ogaatay in magaalada Dhuusamarreeb
ee xarunta gobalka Galgaduud ay booqasho qarsoodi ah ku tageen labo
wafdi oo ka socda dowladaha Iran iyo Maraykanka.
Labada wafdi ayaa kulamo kala duwan la qaatay ururka Ahlu Sunna oo
gacanta ku haya qeybo ka mid ah gobalka Galgaduud, waxaana la sheegay in
ay kala hadleen arrimo badan oo ay ka mid tahay xiriir dhexmara sidda
ay lee yihiin ilaha warkan aan ka soo xiganay.
Wafdiga ka socday IRAN ayaa la sheegay in seddax cisho ay ku
sugnaayeen magaalada iyagoona la kulmay horjoogayaal ka tirsan Ahlu
Sunna, balse si dhab ah looma oga wax yaabaha ay kala hadleen.
Wafdiga kale ee ka socday Maraykanka oo watay ciidamo kumaan doos ah
ayaa garoonka diyaaradaha kulan albaabada u xiran la qaatay madaxda Ahlu
Sunna, waxaana la sheegay in ay ka hadleen arrimo xasaasi ah oo ay ka
mid tahay dagaalka lagula jirro Al-Shabaab.
Intii ay joogeen labada wafdi magaalada Dhuusamarreeb waxaa la
sheegay in aad loo adkeeyay ammaanka oo waxaa meelaha qaar laga
mamnuucay gaadidka iyo dadka.
Ahlu Sunna ilaa hadda kama hadlin wax yaabaha ay u tageen
Dhuusamarreeb labada wafdi ee ka socday IRAN iyo Maraykanka, balse waxaa
ujeedka lagu soo koobay in ay ahaayeen kuwa samafal u waday gobalka.
Waa markii ugu horreysay oo Dhuusamarreeb ay tagaan wafuud ka kala socda waddamada Iran iyo Maraykanka.
Ahlu Sunna ayaa ka mid ah maleeshiyaadka la dagaallama Al-Shabaab oo
xiriir la leh Al-Qaacida kuwaasoo dhul badan oo ku yaalla koonfurta iyo
bartamaha Soomaaliya laga saaray ayna ka mid tahay Ceelbuur.
FADLAN LIKE SII BOGGA DAAJIS.COM EE FACEBOOK.
_____________________
Xafiiska Shabakada Daajis.com
USA-Alaska
Ceelka@gmail.com
www.daajis.com
Facebook Blogger Plugin by deercali.blogspot.com | Get Widget
Posted by , Published at 20:50 and have
