daajis.com:-Ururka Al Shabaab ee ka taliya Degmada Baardheere ee Gobolka Gedo,
ayaa waxa uu xabsiga dhigay ugu yaraan 30 ruux oo ka tirsan Urur
Diimeedka Takfiir.
Qab qabashada Takfiirka, ayaa waxay muddooyinkaan dambe ka soconeysay
Degmada Baardheere, wuxuuna Maamulka Al Shabaab ee Baardheere uu ku
eedeeyay in ay dadka gaaleysiinayaan.
Xubnaha maanta laga qab qabtay Degmada Baardheere, ayaa waxay caawa
ku hooyanayaan Saldhigii Booliska ee Baardheere, oo ay gacanta ku heyso
Al Shabaab.
Shabaabka,
ayaa waxay kaloo albaabada isugu laabeen Masaajidada ay ku
cibaadeystaan Takfiiriyiinta, waxayna u muuqdaan in ay ka rarayaan
Degmadaasi Baardheere.
Madaxa Garsoorka ee Degmada Baardheere Sheekh Maxamed Diinsoor, ayaa
wuxuu horey uu Urur Diimeedka Takfiir uu u soo bandhigay inay bulshadu
ku dhex jiraan, oo aynaan takoorin. Haddii kalana ay ka rarari doonaan
Baardheere.
Al Shabaab, ayaa sidoo kale waxay dhawaan Urur Diimeedka Takfiirka ay
ka ceyrisay Degmada Jilib iyo Deegaano kale oo ka tirsan Gobolka
Jubbada Dhexe.
Ururka Al Shabaab, ayaa waxaa qudhiisa lagu eedeeyaa in ay ka tirsan
yihiin xubno aaminsan mabda’a Takfiirnimada, marka loo fiiriyo gacanta
birta leh ee ay ku maquuninayaan bulshada Somaliyeed.
FADLAN LIKE SII BOGGA DAAJIS.COM EE FACEBOOK.
_____________________
Xafiiska Shabakada Daajis.com
USA-Alaska
Ceelka@gmail.com
www.daajis.com
Facebook Blogger Plugin by deercali.blogspot.com | Get Widget
Posted by 11:07 and have
, Published at