daajis.com:-Howlgalka AMISOM ayaa faah-faahin ka bixiyay dagaal xooggan oo saakay
aroortii ka dhacay magaalada Muqdisho kaasoo dhex maray ciidamada
dowladda oo taageero ka helaya kuwa AMISOM iyo maleeshiyaad daacad u ah
guddoomiyihii hore ee degmada Wadajir Axmed Daaci.
Shir jaraa’id oo goordhow uu ku qabtay magaalada Muqdisho, taliyaha
guutada koobaad ee AMISOM ee Muqdisho iyo labada shabeellooyinka ayaa
sheegay in ciidamada AMISOM iyo kuwa dowladda Soomaaliya ay si wadajir
ah weerar ugu qaadeyn gurri uu deggan yahay guddoomiyihii hore ee
degmada Wadajir kaasoo la rabay in lagu sameeyo hub ka dhigis.
Wuxuu sheegay in howgalka lagu qaaday gurriga Axmed Daaci uu ahaa mid
la sii ogaa oo lagu ballaamay maadama uu heystay hub sharci darro ah,
isagoona intaas ku daray in markii ay tageyn goobta in maleeshiyaad
hoostaga Axmed Daaci ay isku dayeen in ay la dagaallamaan ciidamada
dowladda iyo kuwa AMISOM balse waxaa laga dhigay ayuu yiri wax la qabtay
iyo wax baxsaday.
Wuxuu sheegay oo kale in gacanta ku dhigeyn 18-maleeshiyaadka
dagaallamayay iyo hub aad u fara badan oo laga helay gurriga uu degganaa
Axmed Daaci.
Sarkaalkan ayaa tilmaamay in maleeshiyaadka la qabtay ay ku jiraan
kuwa dhaawacyo qaba oo hadda waxaa lagu daweynayaa ayuu yiri Isbitaalka
Xalane ee magaalada Muqdisho.
Wuxuu tilmaamay in maleeshiyaadka ay la dagaallameyn iyo Axmed Daaci
ay leyn Karen balse ay iska cafiyeen sidda uu hadalka u dhigay.
Wuxuu kaloo sheegay in labo ka mid ah baabuurtooda ay wax yeelo soo
gaartay markii ay ku dhacday rasaasta ay soo rideen kooxda la weerarray.
Ugu dambeyn wuxuu sheegay in AMISOM ay u timid Soomaaliya siddii loo
gacan siin lahaa DF isla markaana loola dagaallami lahaa Al-Shabaab
isagoona intaas ku daray in cid kasta oo la dagaallanta Al-Shabaab iyo
ciidamada dowladda in ay u arki doonaan Al-Shabaab.
Si kastaba, dagaalkii saakay ka dhacay degmada Wadajir waxaa ku
geeriyooday in ka badan 10 qof oo u badan shacab iyadoo 20 kalena ay ku
dhaawacmeyn.
FADLAN LIKE SII BOGGA DAAJIS.COM EE FACEBOOK.
_____________________
Xafiiska Shabakada Daajis.com
USA-Alaska
Ceelka@gmail.com
www.daajis.com
Facebook Blogger Plugin by deercali.blogspot.com | Get Widget
Posted by , Published at 21:29 and have
