daajis.com:-Siyaasiga Cabdullaahi Sheekh Xasan oo gurrigiisa saakay aroortii la
weerarray ayaa sheegay in dowladda looga baahan yahay in ay jawaab cad
ka bixiso weerarka lagu soo qaaday.
Wuxuu sheegay abaare 5:00am ee subaxnimo in ay ka warheleyn ciidamo
AMISOM oo gurrigiisa taagan isla markaana rasaas lagu furaayo
albaabkiisa.
Wuxuu sheegay oo kale markii ay ka warheleyn in waxa goobta ay yihiin ciidamada AMISOM iyo kuwa dowladda in uu la yaabay.
Guddoomiyaha xisbiga nabadda iyo dimuquraadiyadda ayaa tilmaamay in
sababta loo soo weeraray ay tahay afkaartiisa oo ka dha ah dowladda.
“Anniga hub ma heysto waxa la ii soo weeraray waa afkaarta aan
aaminsanahay oo dowladda ay diidan tahay, labo wiil oo malaamileey ayaa I
waardiyeesa oo tuugada aan isaga celiyaa” ayuu yiri Cabdullaahi Sheekh
Xasan.
Wuxuu kaloo sheegay in ciidamada AMISOM uu aaminsanaa in ay
dhex-dhexaad ka yihiin arrimaha Soomaaliya oo ay kaliya dalka u joogaan
sidda ay ula dagaallami lahaayeen Al-Shabaab.
“Anniga AMISOM ayaa idinla dagaallamaysa ma aamisaneyn oo waxaan u
arkayaa AMISOM dhexdhexaad balse wixii dhacay jawaab ayaa la iska rabaa”
ayuu yiri Cabdullaahi Sheekh Xasan.
Siyaasigan oo marar badan dowladda ka sheegay hadallo ay dhibsatay
ayaa la weydiiyay halka uu ku sugan yahay wuxuu sheegay in meel aan ka
fogeyn gurrigiisa uu ku sugan yahay, isla markaana xaafiiskiisa iyo
astaantii xisbiga nabadda iyo dimuquraadiyadda la burburiyay markii
ciidamada isbaheesanaya ay galeyn gurrigiisa.
Ugu dambeyn wuxuu sheegay in howgallada ay yihiin kuwa u jeedo gaar
ah leh oo ay wataan shaqsiyaad gaar ah oo madaxda dowladda islama qabto
ayuu yiri.
“Arrintan cid gaar ah ayaa wadata, ma ahan wax dalka oo dhan hub ka
dhigis loogu sameenaayo seddaxdii howlgal waxay ka dhaceyn hal degmo, ma
ahan wax ay ogyihiin guddiga ammaanka, baarlamaanka ama dalka oo dhan
marka waa in la horkeeno cadaalladda cidda na soo weerartay” ayuu yiri
Cabdullaahi Sheekh Xasan.
FADLAN LIKE SII BOGGA DAAJIS.COM EE FACEBOOK.
_____________________
Xafiiska Shabakada Daajis.com
USA-Alaska
Ceelka@gmail.com
www.daajis.com
Facebook Blogger Plugin by deercali.blogspot.com | Get Widget
Posted by , Published at 21:46 and have
