daajis.com:-Waxaa maanta si rasmi ah xilka ula wareegay Taliyaha cusub ee qeybta
booliska gobolka Bari Gaashaanle sare Cabdixakiin Yuusuf Xuseen oo
dhawaan xilkan usoo magacaabay Madaxweynaha Puntland Dr Cabdiweli Gaas.
Munaasabad xilalka kula kala wareegayeen Saraakiishan oo ka dhacday
Saldhiga bartmaha ee magaaladda Boosaaso ayaa waxa ka qeybgalay Taliska
booliska Puntland ,maamulka gobolka bari kan degmada Boosaaso ,saraakiil
iyo qeybaha kala duwan ee Ciidanka Booliska.
Taliye kuxigeenkii qeybta booliska gobolka Bari Gaashaanle dhexe
Axmed Yuusuf Muuse (Jaqanaf) oo xilka sii haye ka ahaa oo ugu horeyn
munaasabada ka hadlay ayaa sheegay maanta xilka Taliska lagu wareejinayo
iyadoo la fulanayo amarka Taliyaha booliska Puntland.
Gaashaanle dhexe Axmed Yuusuf Muuse (Jaqanaf) ayaa xusay in
dhammaanba uu maanta ku wareejinayo wixii mas’uuliyad ah ee horay
qudhiisu u ahay ayna kamid tahay maamulka Xafiisayadii lagu
shaqeynayay,gaadiidka iyo Ciidanka.
Taliyaha cusub ee qeybta booliska Puntland Gaashaanle sare
Cabdixakiin Yuusuf Xuseen oo xilka la wareegay ayaa sheegay in hawsha
culus ee loo dhiibay ku faraxsanyahay isla markaana bulshada iyo laamaha
Ciidankaba ka codsanayo in loogu duceeyo siduu u gudun lahaa hawsha
hortaala.
Wuxuu sheegay in horey u uga soo shaqeeyey Hoggaanka Taliska ee hadda
loo dhiibay ,isagoona qeybaha bulshada ka codsaday in si daacad ah
loola shaqeeyo si hawlaha adag ee horyaala sida ugu fudud loogu qaban
lahaa dhammaantood.
Guddoomiyaha gobolka Bari Cabdisamad Maxamed Gallan iyo duqa degmada
Boosaaso Xasan Cabdalla Xasan oo munaasabada xil wareejinta hadalo ka
jeediyey ayaa amniga guud ee gobolku hagaagayo marka laamaha amniga iyo
shacabku la yimaadaan wadashaqeyn dhab ah taasna looga fadhiyo laba
dhinac.
Taliyaha Ciidanka Booliska Puntland Maxamed Siciid Jaqanaf ayaa isna
dhankiisa sheegay in Taliyahan cusub horey uga soo shaqeeyey gobolka
isla markaana uusan ahayn shakhsi ku cusub balse qeybaha bulshada looga
baahanyahay iney la shaqeeyaan Taliska cusub.
Taliska cusub ee loo soo magacaabay gobolka Bari ayaa looga fadhiyaa
hawlo badan oo dhanka ammaanka ah,waxaana magaaladda Boosaaso iyo guud
ahaan gobolkuba ahaa mid ammaankiisu wanaagsanaa intii uu hayey xilka
AUN Taliye Muslim oo qarax ismiidaamin ah lagu dilay gudaha magaaladda.
FADLAN LIKE SII BOGGA DAAJIS.COM EE FACEBOOK.
_____________________
Xafiiska Shabakada Daajis.com
USA-Alaska
Ceelka@gmail.com
www.daajis.com
Facebook Blogger Plugin by deercali.blogspot.com | Get Widget
Posted by , Published at 23:43 and have
