daajis.com:-Ex-Gudoomiyihii hore ee degmada Wadajir Axmed Xasan Caddoow (Axmed Daaci) oo dagaal culus la galay Ciidamada Nabad Sugida Dowlada iyo kuwa AMISOM ayaa waxa uu ahaa shaqsi si aad ah looga garanayay magaalada Muqdisho gaar ahaan degmada Madiina iyo nawaaxigeeda.
Masuulkaan oo lagala wareegay hub aad u fara badan wuxuu Qabiil ahaan ka soo jeedaa beesha Hawiye, Abgaal, Wacbuudhan, Daa'uud, waxaana lagu hayaa xarunta Madaxtooyada ee Villa Somalia halka maleeshiyaadkii u dagaalamayay iyo hubkoodiiba lagu soo bandhigay Taliska Ciidamada Midowga Afrika ee AMISOM gaar ahaan Xarunta Xalane .
Lama oga sida ay ka yeeli doonto dowlada Soomaaliyeed masuulkaaan maadaama weerarkii lagu qaaday ay ku naf waayeen dad badan waxaana ku bur burtay hanti fara badan. Ma ahan markii ugu horeeyay oo ay ciidamada Nabad Sugida weeraraan hogaamiye hubeeysan balse dhoor joor oo hore ayaa waxaa hubkoodii lagala wareegay ganacsato iyo masuuliyiin caan ka ah magaalada Muqdisho .
FADLAN LIKE SII BOGGA DAAJIS.COM EE FACEBOOK.
_____________________
Xafiiska Shabakada Daajis.com
USA-Alaska
Ceelka@gmail.com
www.daajis.com
Facebook Blogger Plugin by deercali.blogspot.com | Get Widget
Posted by , Published at 09:14 and have
