daajis.com:-Ilo lagu kalsoonaan karo ayaa u sheegay Shabakada Daajis.com in
madaxweynaha Soomaaliya Xasan Sheekh Maxammuud uu ka mid yahay 50
hoggaamiye oo lagu casuumay ka qeybgalka caleema saarka madaxweynaha
cusub ee dalka Turkiga Rajib Dayid Erdugan.
Xafladda caleema saarka ayaa dhici doonta maalinta Khamiista ee soo
socota, waxaana aan lagu casuumin hoggaamiyaasha, Israel, Syria iyo
Masar sidda ay baahisay wakaalada wararka Turkiga ee Anadol.
Dowladda Soomaaliya ayaa si weyn u soo dhaweysay doorashadda uu ku
guuleystay Erdugan oo sannadkii 2011-ka isaga iyo xaaskiisa booqasho
taarikhi ah ku yimid magaalada Muqdisho xilligaas oo caalamka ay dhabar
jeediyeen magaalada uu dagaallada baabi’iyay.
Turkiga ayaa hadda noqday saaxibka ugu dhow caalamka ee
Soomaaliya,waxaana magaalada Muqdisho uu ka wadaa mashaariic aad u fara
badan.
Waxaa
la aaminsan yahay in xiriirka Turkiga iyo Soomaaliya uu sii xoogeysto
maadama xilka ugu sareeya ee dalkaas uu hadda qabtay ra’iisal wasaarihii
hore ee dalka Turkiga.
Madaxweynaha cusub ee dalka Turkiga aya la filayaa in uu ra’iisal
wasaare ka dhigo wasiirkii hore ee arrimaha dibedda Axmed Defagtula.
Turkiga ayaa tiro ka seddax jeer ku qabtay dalkeeda shirar lagu hadal siinaayo dowladda Soomaaliya iyo maamulka Somaliland.
FADLAN LIKE SII BOGGA DAAJIS.COM EE FACEBOOK.
_____________________
Xafiiska Shabakada Daajis.com
USA-Alaska
Ceelka@gmail.com
www.daajis.com
Facebook Blogger Plugin by deercali.blogspot.com | Get Widget
Posted by , Published at 22:28 and have
