daajis.com:-Wejigabaxii ugu xumaa iyo fadeexadii ugu darneed ee
ku dhacda hogaamiyeyaal u dhashay beesha Hawiye ayaa xalay ka dhacday
Villa Somalia, kadib markii Ra’isul wasaare Cabdi Wali in Xabsiga loo
taxaabo Gudoomiyahii hore ee Degmadda Wadajir Korneyl Axmed Daaci, xilli
uu horfadhiyay Odayaal u dhashay beesha Abgaal iyo Madaxweyne
Garguurte.
Xariga Axmed Daaci wuxuu ka dambeeyay markii Odayaal iyo rag kaloo u
dhashay beesha Abgaal, ay qaab wada hadal ah ugu soo kaxeeyeen Qasriga
Madaxtooyada ee Villa Somalia, oo ay ku sugnaayeen Madaxda Dowladda.
Madaxweyne Xasan Sheekh,ayaa Odayaasha Abgaal ka codsaday inay wada
hadal siiyaan isaga iyo Axmed Daaci, hase yeeshee markii ay geeyeen
Villa Somalia ayuu Ra’isul wasaare Cabdi Weli amray in xabsiga loo
taxaabo Axmed Daaci.
Odayaashii Abgaal ayaa Madaxweynaha la murmay iyagoo isku dayay inay
hor istaagaan xeridda Axmed Daaci, laakiin Ciidanka Alpha Group ee la
dagaalanka argagixisada ayaa odayaashii u soo galay gudaha qolkeey ku
jireen kadibna waxay ku garaaceen qoryaha baadkooda.
Dad la hadlay Caasimada Online, oo faah-faahin ka bixiyey sida ay wax
u dhaceen, ayaa sheegay in Madaxweynaha uu marka hore Madaxtooyada
kulan kula qaatay Ra’iisal Wasaare C/weli Sheekh Axmed Maxamed, Wasiirka
Amniga Khaliif Axmed Ereg iyo Wasiirka Dastuurka & Garsoorka Faarax
Sheekh C/qaadir Maxamed, ayaa wadal dheer ka dib waxaa leesku afgartay
in la xiro Axmed Daaci.
Ra’iisal Wasaaraha Somaliya, ayaa soo jeediyay fikirka ah in la xiro
Axmed Daaci, markii uu ku eedeeyay in uu dagaal adag kala horyimid
Ciidamadii Qaranka iyo Xoogaga Midowga Afrika ee Amisom, dad badana ay
ku dhinteen.
Ciidamada wejiyada duuban ee Alpha Group oo loo yeeray, ayaa waxaa la
amray in ay xiraan Axmed Xasan Cadow (Axmed Daaci), iyadoo Axmed Daaci
uu isku dayay in uu ka horyimaado xariga, ha yeeshee ay jirdil u
geysteen.
Ergadii loo diray Axmed Daaci ee keentay Madaxtooyada, ayaa waxay
sidoo kale sameeyeen buuq iyo sawaxan, iyagoona damcay in ay is hortaag
ku sameeyaan xarigiisii, balse aynaan u suurta gelin.
Alpha Group oo xoog ku wada Axmed Xasan Daaci, ayaa waxay la tagtay
Xaruntii Baarista ee Xisbiga, oo ku dhex taala Aqalka Madaxtooyada,
waana Xarun ay degan tahay Hay’adda Nabad Suggida, waxayna halkaasi ku
hayeen muddo kooban.
Nabad Suggida, ayaa ninkaan kolkii dambe u qaaday Xabsiga Godka
Jilicow oo ku yaala Waqooyiga Magaalada Muqdisho, halkaasoo leesku
waafaqay in lagu xiro, xilligaana uu ku xiran yahay.
Odayaasha Golaha Dhaqanka ee Beesha Abgaal oo si weyn kaga carooday
balanta lagu furay. Odayaashii ayaa damcay inay diidaan kadibna si xun
ayaa loo jirdilay odayaashii Abgaal,waxaana iyagoo dhaawaca lagu soo
daadshay wadada Maka Al Mukarama – Waa dhaqan cusub oo cajiib ah.
Lama yaqaan tallaabada beesha Abgaal ay qaadi doonto, kadib falkan dhaqan ka baxa ah ee lagula kacay odayaashooda.
Wasiiro iyo Xildhibaano u dhashay beesha Hawiye ayaa Madaxweyne
Xasan u tegay, balse nasiibdaro wuxuu u sheegay inuusan ka hadli karin
tacadiga lagula kacay Odayaasha Abgaal iyo sababta ku qasabtay inuu
ballanta uga baxo, go’aankana uu yahay mid uu qaatay ra’iisul wasaaraha.
Dowladda, ayaa daba yaaqadii bishii June ee sanadkii hore balanta ku
furtay Odayaal iyo waxgarad ka soo jeeda Beesha Habargidir, markii ay u
wakiilatay in Sheekh Xasan Daahir Aweys ay ka soo kaxeeyaan Magaalada
Cadaado ee Gobolka Galagaduud. Xilligaasi wuxuu ka soo baxsaday Ururka
Al Shabaab, Dowladduna waxay Odayaasha iyo waxgaradkuba u balanqaaday
inay soo dhaweyneyso Ina Macalin Daahir.
FADLAN LIKE SII BOGGA DAAJIS.COM EE FACEBOOK.
_____________________
Xafiiska Shabakada Daajis.com
USA-Alaska
Ceelka@gmail.com
www.daajis.com
Facebook Blogger Plugin by deercali.blogspot.com | Get Widget
Posted by 09:46 and have
, Published at