daajis.com:-Guddoomiyaha xisbiga nabadda iyo dimuquraadiyada Cabdullaahi Sheekh
Xasan oo shir jaraa’id Muqdisho ku qabtay ayaa sheegay in dowladda ay
dooneyso in ay hub ka dhigis ku sameyso 63 xubnood oo ah dadka deggan
Muqdisho.
Wuxuu sheegay dadkaas in ay isugu jiraan xildhibaanno iyo siyiiyiinn reer Muqdisho ah sidda uu hadalka u dhigay.
Wuxuu tilmaamay mar haddii uu madaxweynaha yiri ma ilaalin karo ammaanka
xildhibaannada haddii ra’iisal wasaaraha iyo wasiirka garsoorka ay
billaabeyn in ay hubka ka qaadaan xildhibaannada iyo siyaasiyiinta reer
Muqdisho.
“Madaxweynaha wuxuu si cad u sheegay in aaney difaaci karin ammaanka
xildhibaannada ra’iisal wasaaraha iyo wasiirka garsoorka waxay
billaabeyn in ay hubka ka qaadaan xildhibaannada is-difaaci kara, waan
ognahay ammaanka Muqdisho in ilaa shan xildhibaan la dilay sanadkan”
ayuu yiri Cabdullaahi Sheekh Xasan.
Mar uu ka hadlaayay arrintaas cidda wada wuxuu tilmaamay in ay wadaan
ra’iisal wasaaraha iyo wasiirka garsoorka iyo fedaraalka balse wuxuu ka
digay in arrintaas ay abuuri karto dagaal
Siyaasiga Cabdullaahi Sheekh Xasan ayaa tilmaamay haddii la doonayo
in hub ka dhigis la sameyso dalka loo baahan in gobalada oo dhan laga
sameyso balse ay qalad tahay in cid gaar ah la beegsado ama dadka
magaalada Muqdisho.
Dhinaca kale, wuxuu ka hadlay guddoomiyaha xisbiga nabadda iyo
dimuqaadiradiyada go’aan ka soo baxay maxkamadda sare ee ciidamada
kaasoo ah in waalidiinta dhalay dadka Shabaab ku jira in lala
maxkamadeyn doono.
Wuxuu sheegay arrintaas in sharciga islaamka iyo dastuurka dalka
uusan ku qorneen balse waa arrin ay wataan madaxda dowladda iyo koox
gaar ah ayuu yiri.
Hadalka Cabdullaahi Sheekh Xasan ayaa ku soo aadaya iyadoo dowladda
ay ku dhawaaqday in uu billowday hub ka dhigis guud oo dalka ka
hirgashay kaddib markii la ogaaday in hoggaamiyaashii kooxeedyada inay
xiriir la sameysteen Al-Shabaab.
FADLAN LIKE SII BOGGA DAAJIS.COM EE FACEBOOK.
_____________________
Xafiiska Shabakada Daajis.com
USA-Alaska
Ceelka@gmail.com
www.daajis.com
Facebook Blogger Plugin by deercali.blogspot.com | Get Widget
Posted by 00:20 and have
, Published at