daajis.com:-Madaxweynaha Dowladda Federaalka Soomaaliya Xassan Sheekh Maxamuud
ayaa waraaqaha aqoonsiga Safiirnimo ka guddoomay danjiraha cusub ee
India usoo magacowday Somalia.
Madaxweyne Xasan sheekh ayaa soo dhoweeyay Danjiraha cusub ee India u
soo magacowday, kaasoo lagu magacaabo Yogeshwar Varma, , sidoo kale
Madaxweynaha iyo Safiirka cusub waxay ka wada hadleen xoojinta xiriirka
saaxiibtinimo ee labada dal iyo in dowladda India ay ka qeyb qaadato
sidii tababaro loo siin lahaa shaqaalaha dowladda.
Wasiirka Arrimaha dibadda ee Xukuumadda Soomaaliya C/raxmaan Ducaale
Beyle oo kulanka kaddib la hadlay Warbaahinta ayaa sheegay in
safiirkan cusub ee India uu badali doono safiirkii hore ee India u
joogay Soomaaliya, isagoo intaa ku daray in dalka ay ku soo badanayaan
safiiro cusub.
“Safiirada iminka dalka jooga waxa ay gaarayaan inka badan 50
safiir, tan kale India waxaan leenahay cilaaqaad toos ah oo soo jireen
ah, waxaana ku balanay in aan xoojino xiriirka labada dal” ayuu yiri
Wasiirka Arrimaha dibadda ee Soomaaliya.
Danjire Yogeshwar Varma oo ah safiirka cusub ee ay India u soo
magacawday Soomaaliya oo isna la hadlay saxaafadda ayaa sheegay in uu
aad ugu faraxsanyahay in Madaxweynaha Jamhuuriyadda Soomaaliya uu ka
guddoomo warqadihiisa aqoonsiga ee danjirenimo.
“Waxa ay ii tahay farxad in aan la kulmo Madaxweynaha Soomaaliya,
anigoo salaan qaali ah uga sida mas’uuliyiinta dowladda India iyo
shacabkeeda, sida aad ogtihiin India iyo Soomaaliya waxaa ka dhexeeya
xiriir wanaagsan oo soo jireen ah, waxaana dhankeyga balan qaadayaa in
aan sii xoojiyo xiriirkaasi” ayuu yiri Danjire Yogeshwar Varma.
Magaalada Muqdisho waxaa ku sugan ilaa 50 Safaaradood, inkastoo
badankood aysan laheyn xarumo, balse ay dhex degan yihiin hoteel ku
yaal gudaha Xalane ee ciidamada AMISOM.
FADLAN LIKE SII BOGGA DAAJIS.COM EE FACEBOOK.
_____________________
Xafiiska Shabakada Daajis.com
USA-Alaska
Ceelka@gmail.com
www.daajis.com
Facebook Blogger Plugin by deercali.blogspot.com | Get Widget
Posted by , Published at 23:58 and have
