daajis.com:-shabakada daajis ayaa ogaatay in kooxda Al-Shabaab ay xabsiyo waa weyn ku dhex leedahay magaalada Muqdisho, dowladda ay og tahay.
Ilo wareedyo ka tirsan Laamaha Ammaanka Dowlada Federaalka Somalia,
ayaa inoo xaqiijiyay in Maleeshiyada Alshabaab ay Xabsiyo waaweyn ku
dhex leeyihiin gudaha Magaalada Muqdisho.
Xabsiyadaasi ay Kooxda waxa ay ku leedahay Degmada Heliwaa ee Gobolka
Banaadir, waxa ayna Laamaha Ammaanka sheegayaan in halkaasi lagu xiro
laguna baaro shaqsiyaadka ay Kooxda uga shakiyaan kamid ahaanshaha
Dowlada Federaalka.
Sidoo kale, xog ay heleen Laamaha Ammaanka ayaa waxa ay intaa kusii
daraysaa in Xabsiyadaasi ay ku jiraan Ciidamo ka tirsan Dowlada oo laga
qafaashay gudaha Degmada iyo dad shacab ah, kuwaasi oo looga cabsi qabo
inay u wareejiyaan Baraawe iyo Xabsiyada kale oo ay kooxda ku leeyihiin
Gobolada Dalka, amaba ay gowracaan.
Degmada Heliwaa ee Gobolka Banaadir, ayaa waxaa ka buuxa unugyo ka
tirsan Kooxda Alshabaab, iyagoona xilli waliba halkaasi ka geysta dilal
kala duwan iyo weeraro joogto ah.
Dhanka kale, Dowlada Federaalka oo kaashaneysa kuwa AMISOM ayaa la
tilmaamayaa inay wadaan qorsho cusub oo ay halkaasi uga saarayaan
Alshabaab.
FADLAN LIKE SII BOGGA DAAJIS.COM EE FACEBOOK.
_____________________
Xafiiska Shabakada Daajis.com
USA-Alaska
Ceelka@gmail.com
www.daajis.com
Facebook Blogger Plugin by deercali.blogspot.com | Get Widget
Posted by , Published at 04:33 and have
