daajis.com:-Magaalada Baladweyne waxaa maanta oo Talaado ah ka dhacay kulan
ballaaran oo ay ka qeybgaleyn odayaal iyo wax-garad reer Hiiraan ah,
waxaana ay uga hadleyn maamul gobaleed loo sameeyo gobalka Hiiraan oo
kaliya.
Guddoomiyaha odayaasha dhaqanka gobalka Hiiraan Xaaji Xasan Kumiye
Absuge, oo ka mid ah odayaasha ka hadlay goobta ayaa sheegay in
kulankooda uu la xiriiro siddii gobalka Hiiraan looga dhigi lahaa labo
gobal oo kala ah, Hiiraan iyo Shabeellaha Sare.
“Waxaan go’aan sanay in gobalka Hiiraan uu noqdo labo gobal, oo ka ah
Hiiraan iyo Shabeellaha Sare, waxaana ka soo horjeednaa in aan
hoostagno gobal degmo laga dhigay” ayuu yiri ayuu yiri Xaaji Xasan
Kumiye Absuge.
Wuxuu tilmaamay in labadan gobal ay xarun ukala noqon doonto Baladweyne iyo Buuloburte.
“Haddii dowladda ay maamul gobaleed u sameeneyso gobalka Hiiraan waa
in aysan nagu darin gobal kale ee gobalka ay ka dhigto labo gobal oo ka
ah Hiiraan iyo Shabeellaha Sare” ayuu yiri Ugaas Xaseey.
Wuxuu sheegay oo kale in dhammaan odayaasha iyo wax-garadka ku shiray
maanta Baladweyne in ay isku raaceyn intii gobal kale lagu mideyn lahaa
Hiiraan in isaga labo loo kala qeybiyo maadama uu aad u ballaaran
yahay.
Kulanka odayaashan ayaa ku soo aadaya iyadoo dowladda ay dardar ku
wado barnaamijyada ku saabsan maamul u sameynta gobalada dalka, waxaana
dhawaan uu muran ka dhashay maamul gobaleed ay ku mideysan yihiin
gobalada dhexe.
Gobalka Hiiraan ayaa deeganno badan waxaa ku sugan Al-Shabaab,waxaana sheegis mudan in Buuloburte ay noqotay magaalo go’doosan.
FADLAN LIKE SII BOGGA DAAJIS.COM EE FACEBOOK.
_____________________
Xafiiska Shabakada Daajis.com
USA-Alaska
Ceelka@gmail.com
www.daajis.com
Facebook Blogger Plugin by deercali.blogspot.com | Get Widget
Posted by 02:13 and have
, Published at