Wasiirka ayaa ammaanay doorka ciidanka Soomaaliyeed iyagoo kaashanaya ciidanka AMISOM oo in mudo ahba hor taagnaa kooxaha argagaxisada inay dib ugu soo laabtaan Buulo Burte. Wasiirka Warfaafinta ayaa yiri “Argagaxisada Al-Shabaab oo si ba’an looga guuleystey Buulo Burte ayaa waxey ka mid tahay guulahii isdabo jooga ahaa ee looga soo horjeeday kooxaha argagaxisada ah ee ku sugan dalka. Dowladdu wey ka go’an tahay in la sii wado dagaalka kooxaha nabad-diidka ah si dalka loo gaarsiiyo xasilin, nabad iyo barwaaqo. Kooxaha argagaxisadu waxey shacabka u diidan yihiin nabad, xasilin iyo barwaaqo, iyagoo diidan dowladnimo, maamul wanaag, kala sareynta sharciga iyo horumarka dalka.”

Dowladdu waxey wadaa qorshihii nabadeynta, xasilinta iyo sidii dalka loogu horseedi lahaa doorashooyin xor ah sanadka 2016 si shacabku ay aayahooda uga tashadaan. Wasiirka ayaa ugu baaqay shacabka inay taageeraan ciidanka oo uu yiri “Waxaa waajib nagu wada ah inaan shacab iyo dowlad gacmaha isqabsanno oo aan ka wada shaqeyno nabadeynta dalka. Ciidanka geesiyaasha ahna waxey naga wada mudan yihiin inaan si joogta ah u taageerno si ay ugu sahlanaato in si dhaqso leh loo soo afjaro dagaalka lagula jiro kooxaha argagaxisada ah.”