daajis.com:-War goordhow na soo gaaray ayaa sheegaya in dagaal yahano ka tirsan
Al-Shabaab in ay weerar ku qaadeyn kolanyo sahay u siday magaalada
Buulo-burte ee gobalka Hiiraan taasoo uu soo dhiibay madaxweynaha
Jabuuti Ismaacil Cumar Geelle.
Dad goobjoogayaal ayaa laga soo xigtay in weerarka uu ka dhacay tuulada Halgan oo 74km u jirta magaalada Baladweyne.
Inta la ogyahay sagaal qof oo labada dhinac ayaa ku dhintay iska hor
imaadka halka labo kalena ay ku dhaawacmeyn balse ma jirto warar madax
banaan oo laga helaayo goobaha iska hor imaadka uu ka dhacay.
Waxaa la sheegay in ay jiraan khasaaro soo gaartay ciidamada
galbinaayay gargaarka loo sido Buulo-burte balse ilaa hadda khasaaraha
lama oga inta uu gaarsiisan yahay.
Dhinaca kale, ciidamada dowladda oo gacan ka helaya kuwa midowga
Afrika ee AMISOM ayaa la wareegay maanta barqadii degmada Jalalaqsi ee
gobalka Hiiraan.
Ma jirin wax iska hor imaad ah oo magaalada ka dhacay markii ay qabsanayeen ciidamada isbaheesanaya.
Wariyaal ku sugan Baladweyne ayaa u sheegay Caasimada Online in
maalmahan uu ka socday gobalka abaabul dagaal oo la rabay in lagu qabto
Jalalaqsi.
Degmada Jalalaqsi waa degmadii ugu dambeesay ee Al-Shabaab gacantooda ku jirtay marka laga hadlaayo gobalka Hiiraan.
Al-Shabaab waxaa horrey looga qabsaday, Baladweyne, Buulo-burte, Maxaas, iyo deeganno kale.
FADLAN LIKE SII BOGGA DAAJIS.COM EE FACEBOOK.
_____________________
Xafiiska Shabakada Daajis.com
USA-Alaska
Ceelka@gmail.com
www.daajis.com
Facebook Blogger Plugin by deercali.blogspot.com | Get Widget
Posted by 23:14 and have
, Published at