daajis.com:- Kulan loogaga hadlayay sidii dayactir loogu sameyn lahaa garoonka
dayuuradaha magaalada Muqdisho isla markaan xilliyada habeenkii
dayuuraduhu ugu duuli lahaayeen una soo degi lahaayeen ayaa lagu qabtay
magaalada Muqdisho.
Shirkan ayaa mas’uuliyiintii ka soo qeybgalayn waxaa ka mid ahaa
Wasiirka gaadiidka iyo duulista hawada ee xukuumadda Federalka
Soomaaliya Saciid Jaamac Cali Qoorsheel,xubno ka socday rugta ganacsoga
Soomaaliyeed, maamulka garoonka diyaaradaha iyo wakiilka xoghayaha guud
ee Qaramada Midoobay u qaabilsan Soomaaliya Nicholas Key.
Kulankani ayaa diiradda lagu saaray sidii ganacsatada Soomaaliyeed
iyo Qaramada Midoobay uga qeyb qaadan lahaayeen dib u dayactirka
garoonka Caalamiga ah ee Aadan Cadde, gaar ahaan in nalal lagu xiro
halka ay soo cago dhigtaan diyaaradaha si ay ugu fududaato in
diyaaaradaha garoonka Aadan Cadde ay xilliyada habeenkii ah ka
howlgalaan.
Wasiirka Gaadiidka iyo Duulista Hawada ee Xukuumadda Soomaaliya
Saciid Jaamac Cali Qoorsheel oo la hadlay Warbaahinta ayaa sheegay in
kulanka uu ku soo idlaaday guul, isla markaana ay isla afgarteen in si
deg deg ah wax looga qabto baahiyaha ka jirta garoonka, gaar ahaan in
xilliyada habeenkii ah uu shaqeeyo, maadaama isbadal amni uu ka jiro
caasimadda ayna keentay baahi ah in duulimaadyo caalami ah la helo.
Tan iyo markii ay burburtay dowladii hore ee Soomaaliya ayaa waxaa
joogsaday isticmaalka garoonka dayuuradaha ee magaalada Muqdisho,
waxaana xilliyadii dowladi hore ka talinaysay dalka uu garoonku ahaa mid
ay isku mid yihiin habeenkii iyo maalintii.
FADLAN LIKE SII BOGGA DAAJIS.COM EE FACEBOOK.
_____________________
Xafiiska Shabakada Daajis.com
USA-Alaska
Ceelka@gmail.com
www.daajis.com
Facebook Blogger Plugin by deercali.blogspot.com | Get Widget
Posted by 23:49 and have
, Published at