daajis.com:-Wararka ka imaanaya Buulo Burde ayaa sheegaya in gawaari mucaawino
sida oo ay galbinayaan Ciidamada dowladda iyo kuwa AMISOM, kana yimid
Beledweyn ay gaareen deegaan ku dhow Buulo Burde.
Gaadiidkan mucaawinada oo loogu tala galay dadka deegaanka ee ku
go’doonsan Buulo Burde iyo deegaanada ku dhow dhow ayaa la kulmay
dagaalo xoogan, intii ay ku sii jireen wadada u dhaxeysa Beledweyn iyo
Buulo Burde.
Dagaalada oo ahaa kuwo goos goos ah ayaa ka dhacay inta deegaanada
Halgan iyo Beledweyn, iyadoo ay ku dhinteen ilaa sagaal ruux oo ay ku
jiraan dagaalyahano ka tirsan Shabaab iyo askari ka tirsan dowladda.
Sarkaal ka tirsan ciidamada dowladda ayaa sheegay in mucaawinada ay
si nabad ah ku soo gudubtay, haatana ay ku sugan yihiin deegaanka
Beera-yabaal oo u dhow Buulo Burde, waxaana la filayaa in goor dhow
gudaha u galaan.
Mucaawinadan ayaa waxaa soo dhiibay Madaxweynaha Jabuuti, waxaana ay
gaareysaa ilaa 250 tan oo raashin, waxaana mucaawinadan loo soo dhiibay
dadka ku go’doonsanaa Buulo Burde iyo hareeraheeda oo Al-Shabaab u
diideen in wax sahay ah ay gaaraan, kadib markii ciidamada dowladda iyo
AMISOM ay qabsadeen bishii March.
Ciidamada dowladda iyo kuwa AMISOM ayaa dhaq dhaqaaqyo ciidan oo
xoogan ka wada Gobolka Hiiraan, waxaana socda qorshe la isugu furayo
Beledweyn ilaa Muqdisho, kadib markii ciidamada huwanta ay maanta
qabsadeen degmada Jalalaqsi.
FADLAN LIKE SII BOGGA DAAJIS.COM EE FACEBOOK.
_____________________
Xafiiska Shabakada Daajis.com
USA-Alaska
Ceelka@gmail.com
www.daajis.com
Facebook Blogger Plugin by deercali.blogspot.com | Get Widget
Posted by , Published at 23:01 and have
