daajis.com:-Wararka la xiriira dhimashada hogaamiyihii ururka Alshabaab Abu
Zubeyr ayaa isa soo taraya sida ay daabacday wakaalada wararka ee AFP
maanta.
Wakaalada wararka ee AFP ayaa qortay inay hayso xog ah
suurtogalnimada in hogaamiyaha Alshabaab uu ku geeriyooday weeraradii
gantaalaha ahaa ee lagu qaaday deegaan ka tirsan gobolka Sh/hoose.
“Waxaa jira warar xaqiiqda u dhow taasoo tilmaamaysa geerida
hogaamiyaha Alshabaab, balse waxa ay u baahan tahay in laga cadeeyo
dhulka taasoo ah mid aan suurtogal ahayn,”ayuu u sheegay AFP sarkaal
dhinaca reer galbeed ah oo arrimaha sirdoonka.
Dhinaca sarkaal dhinaca ammaanka oo Soomaali ah diidayna in magaciisa
la xigto oo ka hadlay arrimaha xaalka Godane ayaa laga soo xigtay in uu
sheegay in la dilay hogaamiyaha Alshabaab balse aysan hayn meydkiisa.
Sarkaalkan ayaa intaa ku daray in ururka Alshabaab ay ka hadlayaan
haatan qofkii lagu bedeli lahaa Axmed Cabdi Godane kadib weerarkii
Isniinta. AFP ayaa qortay in ay la xiriirtay madax ka tirsan Alshabaab
kuwaasoo diiday in ay xaqiijiyaan ama beeniyaan wararka ku saabsan Axmed
Godane.
“Ma dooneyno inaan ka hadalno dacaayada Maraykanka ee ah inay dileen
hogaamiyaheena,”ayuu yiri sarkaal ka tirsan Alshabaab. Xukuumada
Washington ayaa weeraro gantaalo laga ridayo dayuuradaha aan duuliyaha
lahayn ku qaaday ururka Alshabaab iyagoo beegsanaya hogaamiyaha ururka
Alshabaab Axmed Godane kaasoo Maraykanka ay ku liisgareeyeen inuu yahay
mid kamid ah siddeeda ruux ee ay raadinayaan kuna eedeysan
argagaxisanimo.
Wakaalada wararka ee AFP ayaa qortay in Axmed Cabdi Godane uu 37 sano
jir tababaro kula soo qaatay dalka Afghanistan ururka Daalibaan waxana
uu qabtay hogaanka ururka Alshabaab sanadkii 2008dii kadib markii weerar
gantaal ah lagu diley Adan Xashi Ceryrow.
Dowlada Maraykanka ayaa madaxiisa dul dhigtay ciddii war ka keenta
ama soo qabata Godane inay abaalmarin u siinayso lacag gaareyso
$7-million (5.35-million-euro), taasoo la mid ah hogaamiyaha ururka Boko
Haram lacagta loo ballanqaaday cidii warkiisa keenta.
FADLAN LIKE SII BOGGA DAAJIS.COM EE FACEBOOK.
_____________________
Xafiiska Shabakada Daajis.com
USA-Alaska
Ceelka@gmail.com
www.daajis.com
Facebook Blogger Plugin by deercali.blogspot.com | Get Widget
Posted by , Published at 22:57 and have
