Ajandaha isku imaatinkan ayaa ahaa in wasaaradda qorsheynta iyo iskaashiga caalamiga ah oo kaashaneyso hay’adan ay soo bandhigto sahan ay ku sameysay tirada dadka Soomaaliyeed iyadoo aysan wasaaradu soo bandhigin nambarka dadka Soomalida lagu qiyaasayo,

Wasiir ku xigeenka wasaarada qorsheynta iyo iskaashiga caalamiga ah ee xukuumada Soomaaliya C/laahi Sheekh Cali (Qaloocow) ayaa ugu horeyn ka sheekeeyay marxaladihii kala duwanaa ee uu soo maray sahankan lagu tira koobayo dadka Soomaalida ah.

Madaxa hay’ada UNFPA ee Soomaaliya Sheekh Ciise ayaa kahadlay marxaladihi uu soo maray sahankan iyo ahmiyada uu leeyahay maadama tiro koob sax ah aan mudo la sameyn xiligana uu yahay waqtiga sida rasmiga ah ay tahay in loo sameeyo,

Wasiirka wasaaradda qorsheynta iyo iskaashiga caalamiga ah Saciid Cabdullaahi (Dan)i ayaa isaguna ka hadlay munaasabada lagu soo bandhigayay qorshaha sahanka tirakoobka waxa uuna sheegay wasiirku in talaabo horumarineed ay dowlada Soomaaliyeed u tahay inay dadkeeda si sax ah u ogaato.

Kusimaha Ra’isul wasaaraha ahna wasiirka diinta iyo awqaafta xukuumada Soomaaliya oo soo gabagabeeyay munaasabadan maanta ayaa tilmaamay in horumar uusan jiri Karin hadii uusan jirin tira koob rasmi ah isagoo tusaale usoo qaatay dhanka gargaarka iyo arimo kale

Tirakoobka qabyada ah ee aan rasmiga aheyn hadda waxa uu noqday 12.360 in ay yihiin dadka Soomaaliyeed eek u nool gudaha wadanka ilaa hadda inta la tiro koobay iyadoo aan weli tiro koob dhameystiran lagu sameyn muwaadiniinta dalka dibadiisa kunool.