daajis.com:-Gudoomiyaha gobolka Banaadir ahna duqa magaalada Muqdisho Xassan Maxamed Xuseen Muungaab ayaa maanta xariga kajaray Iskuulka Maxamud Mire ee kuyaala degmada Waaberi kadib markii dayactir lagu sameeyay kaasoo ka mid ah dugsiyada ay dowlada Soomaaliya maamusho islamarakaana ay si bilaash ah wax ugu bartaan ardayda Soomaaliyeed ee kunool degmada Waaberi iyo deegaanada ka agdhow.
Gudoomiyaha Gobolka Banaadir ayaa sidoo kale maanta booqday Dugsiga tababarka farsamadda gacanta iyo farshaxanka oo kuyaala degmada Waaberi halkaasoo lagu wado inay wax ku bartaan dhalinyaro Soomaaliyeed si loo baro xirfado ay ku shaqeystaan taasoo qeyb ka ah la daagalanka shaqo la’aanta iyo jahliga.
Dugsigaan ayaa waxaa dhinaca kale ku tababaran doona dadweynaha ku nool degmada Waaberi gaar ahaan kuwa daneynaya inay bartaan farsamada gacanta. Gudoomiyaha Gobolka Banaadir oo ay wehliyaan mas’uuliyiin ka tirsan Maamulka Gobolka iyo kan Degmada ayaa kormeerka kadib waxa ay qalab xafiiseed kudoonsiiyeen saldhiga Booliska ee degmada Waaberi iyadoo uu ka gudoomay taliyaha saldhigaasi Maxamed Qaasim Axmed.
FADLAN LIKE SII BOGGA DAAJIS.COM EE FACEBOOK.
_____________________
Xafiiska Shabakada Daajis.com
USA-Alaska
Ceelka@gmail.com
www.daajis.com
Facebook Blogger Plugin by deercali.blogspot.com | Get Widget
Posted by , Published at 03:30 and have
