Dhakhaatiir ku sugnaa Isbitaalka uu ku dhashay Ninkaan ayaa u sheegay Hooyadiis inaysan Quudin dhalaankeeda Cusub oo ay xuseen inuusan haleynin Fursad uu ku sii noolaado. Claudio oo ka soo jeeda deegaanka Monte Santo ee ka tirsan dalka Brazil ayaa ka badbaaday Geerida deg dega ah ee ay Dhakhaatiirtu u saadaaliyeen, wuxuuna noqday shakhsi dadaal badan oo Jaamacad ku taalla dalkaasi ka bartay cilmiga Xisaabaadka, kana hadla Goobaha la isugu yimaado.

“Tan iyo markii aan yaraa waxaan jeclaa inaan mashquul ku noqdo nolosheyda iyo howsheyda, ma jecli inaan ku tiirsanaado dadka kale” ayuu yiri Claudio oo ka hadlaya halganka dheer ee uu soo galay.

“Waxaan bartay sida loo shido TV-ka iyo Raadiyaha.waxaana sidoo kale isticmaalaa Mobile-ka iyo Internetka” ayuu Claudio sii raaciyay hadalkiisa. Ninkaani wuxuu wax qoraa asigoo isticmaalaya Qalin uu ku qabtay ilkihiisa, wuxuuna Mouse-ka Computerka ku dhaq dhaqaajiyaa bishimihiisa oo uu saaro Mouse-ka deedna ku daliigo si ay u shaqo galiyaan Mouse-kaasi.

Falalka idiin Muuqanaya ee uu sameynayo Claudio waa kuwo ku cibro qaadasho mudan, waxaana laga doonayaa dadka lixaadka qaba inay ka faa’iideestaan awoodooda kuna shukriyaan khaaliqa uumay ayaga iyo ninkaan halganka badan ee u dhashay dalka Brazil. Waxaa Turjumay: