daajis.com:-Iyadoo maalmahaani ay Madaxda dalka isugu hanbalyeeynayeen Geerida
Hoggaamiyihii Maleeshiyada Alshabaab Axmed Cabdi Godane, ayaa waxaa
arrintaasi ka hadlay Ra’iisul Wasaarihii hore Dowladdii KMG aheyd ee
Soomaaliya Maxmed C/laahi Maxamed ”Farmaajo”.
Farmaajo oo Wareysisiiyay gaar ah siiyay Idaacada Kulmiye ee
Magaalada Muqdisho, ayaa waxa uu ka hadlay dilkii Axmed Godane iyo
kaalinta uga aadan Dowlada Federaalka Somalia.
Farmaajo ayaa waxa uu sheegay in Geerida Godane ay fursad u tahay
Dowlada, waxa uuna ku taliyay in Alshabaab lala furo wada-hadal maadaama
kuwa la doortay ay ka duwanaan karaan kuwii hore.
Waxa uu sheegay in wada-hadalka ay la furan Al-shabaab kuwa nabada ogol islamarkaana looga faa’ideysto Dhimashada Axmed Godane.
“5-tii Cisho ee Dowladda Soomaaliya ay u qabatay Al-shabaab in ay
isku soo dhiibaan kuma Filna,waxaa loo baahan yahay dib u heshiisiin
furan oo Al-shabaab lala galo si loo Ciribtiro Al-shabaab” ayuu yiri
Farmaajo.
Dhanka kale, Farmaajo waxa uu ku nuux-nuuxsaday in dhalinyarada
Alshabaab ay yihiin dhalinyaro Soomaaliyeed oo xuquuq ku leh Dalka,
loona baahan yahay in DF ay ku dadaasho sidii ay kusoo xira galin laheyd
dhalinyaradaasi, xoogana ay Xukuumadu saarto sidii looga soo reebi
lahaa Al-shabaabka Maskaxda ka qalday, iyadoo loo marayo qaab dib u
heshiisiineed.
Waxa uu ku baaqay in DF ay tijaabiso Arrinta wada xaajoodka lala furo
Kooxda maadama ay isbedeli karto Siyaasadaha ay ku dhaqmayeen xiligii
uu noola Axmed Godane.
FADLAN LIKE SII BOGGA DAAJIS.COM EE FACEBOOK.
_____________________
Xafiiska Shabakada Daajis.com
USA-Alaska
Ceelka@gmail.com
www.daajis.com
Facebook Blogger Plugin by deercali.blogspot.com | Get Widget
Posted by , Published at 20:50 and have
