daajis.com:- Shabakaddii ugu weyneyd ee Al-Shabaab ugu qaabilsaneyd dilalka qorsheysan ee Muqdisho oo dhowaan ay qabteen ciidamada nabad-sugidda dowladda Somalia, ayaa wareysiyo xiiso badan siiyey warbaahinta qaranka.
Kooxdan oo tiro-yar, balse dilalka ay fuliyeen aad u badan, ayaa banaanka keenay dhammaan sirtii kooxda Al-Shabaab, sida habka ay xogta u raadiyaan, qaabka ay wax ugaarsadaan, kadibna u fuliyaan dilalka.
Dilalka kooxdan ay fulisay waxaa ka mid ah dilalkii xildhibaan Xeed, Saado Cali Warsame, xildhibaan Sheekh Aadan Madeer, weriyeyaal iyo saraakiil ka tirsan dowladda federaalka ah ee Soomaaliya, waxayna ka sheekeenayaan qaabkii ay u filiyeen dil walba iyo xeeladahii ay adaegsadeen.
Waxay sidoo kale agaasimeen weeraradii lagu qaaday xarrumo ay ka mid ahaayeen maxkamadda gobolka Banaadir, xarunta QM ee Muqdisho iyo meelo kale, oo caasimada ku yaala.
Kooxdan, waxaa hoggaamiya nin lagu magacaabo Shuceyb Ibraaim Mahdi, oo ka sheekeeyey sida ay u haligaan shacabka Muqdisho iyo madaxda dowladda. Waxa uu sidoo kale ka hadlayaa qabaka ay u kireystaan guryaha Muqidhso iyo xeeladaha adeegsadaan.
Haddii weligaad aad jecleyd inaad ogaato sirta maleeshiyada Al-Shabaab, video-gan waxaad ka heli doontaa xog kaa yaabisa.
FADLAN LIKE SII BOGGA DAAJIS.COM EE FACEBOOK.
_____________________
Xafiiska Shabakada Daajis.com
USA-Alaska
Ceelka@gmail.com
www.daajis.com
Facebook Blogger Plugin by deercali.blogspot.com | Get Widget
Posted by , Published at 15:38 and have
