daajis.com:- Kulankii ay Everton 3:1 ku garaacday kooxda koobka horyaalka Ingriiiska difaacanaysa ee Chelsea ayaa keentay in dad badani ay kaga maadsadaan baraha bulshooyinka, laakiin waxaa la yaab noqotay in wiilka uu Mourinho dhalay ee Jose Mourinho Junior uu ka mid ahaa dadka ku maadsaday Blues iyo Mourinho.
Markii uu Steven Naismith goolkiisa saddexaad uu ka dhaliyay goolhaye Asmir Begovic ayuu Jose Mourinho Junior bartiisa twitterka soo dhigay astaan lama filaan ah isaga oo u muuqaday inuu ku maadsanayo in kooxda uu aabihii gacanta ku hayo ee Chelsea guuldaro xun ay la kulmaysay.
Jose Mourinho Junior ayaa astaanta qosolka ah ee hoos ka muuqata soo dhigay bartiisa twitterka laakiin isla markiiba wuu ka masaxay balse waxaa lagu guulaystay in sawiro laga qaado arintan lama filaanka ah dad badan ku noqotay. Jose Mourinho Junior ayaa ah wiil si wayn u taageera kooxda Barcelona, wuxuuna markii danbe isku dayay inuu sharaxaad ka bixiyo qoraalkiisa.22Jamaahiirta Chelsea ayaana wiilka Mourinho ka dalbaday inuu sharaxaad ka bixiyo faaladiisa qosolka ah wuxuuna wiilkani markiiba bartiisa ka saaray sawirka su’aalaha u keenay, wuxuuna meesha ka sheegay in uu aabihii iyo kooxda Chelsea ku maadsanayn.
FADLAN LIKE SII BOGGA DAAJIS.COM EE FACEBOOK.
_____________________
Xafiiska Shabakada Daajis.com
USA-Alaska
Ceelka@gmail.com
www.daajis.com
Facebook Blogger Plugin by deercali.blogspot.com | Get Widget
Posted by , Published at 15:30 and have
