daajis.com:- Waxaa magaalada Muqdisho si dhuumasho ah ku soo gaaray doomo qaad sida oo laga keenay dalka Kenya, kuwaasi oo goor dhow soo gaareen Xeebta Jazeera ee Degmada Wadajir ee Gobolka Banaadir, ka dib markii ay qaadkaasi ka soo qaadeen Xeebaha Magaalada Kismaayo.
Labadan doomood ayaa waxaa la sheegay inay la socdaan xubno ka mid ah haweenka qaadka keena Magaalada Kismaayo. Haweenka la socda doomahan waxaa laga tilmaami karaa Ubax Jaamac iyo Sahra Faarax, oo labaduba ka mid ah ganacsatada qaadka ee Magaalada Kismaayo.
Hadaba Gaashaanle Cali Maxamed Nuur (Cali Cadde) aa ah Taliyaha deegaanka Jazeera, ayaa waxaa uu ka horyimid in qaadkaasi laga soo dejiyo halkaasi.
Taliyaha Jazeera ayaa ganacsatada u ugu baaqay inaysan qaadka ka soo dejin karin Jazeera, isla-markaana ay raadsadaan goobo kale oo rarka qaadkoodu ay kala deggaan.
Ganacsatada qaadka ayaa waxaa la soo sheegayaa inay doomahooda u jihaysan doonaan Dekeda Ceel Macaan, halkaasoo ay qorsheynayaan in ay kala deggaan, haddii aanay helin xal kale.
Maanta oo ah Maalintii saddexaad ayaa waxaa Magaalada Muqdisho aan ka soo degan diyaaradihii qaadka ka keeni jiray dalka Kenya, ka dib markii Dowladda Soomaaliya ay ku dhawaaqday in si ku meel gaar ah ay u xayirtay keenida Qaadka arimo la xiriira siyaasadda.
FADLAN LIKE SII BOGGA DAAJIS.COM EE FACEBOOK.
_____________________
Xafiiska Shabakada Daajis.com
USA-Alaska
Ceelka@gmail.com
www.daajis.com
Facebook Blogger Plugin by deercali.blogspot.com | Get Widget
Posted by , Published at 23:30 and have
