daajis.com:- Dalka aadka u xirxiran ee shuuciga Kuuriyada Waqooyi ayaa waxaa lagu tuhmayaa in ay tijaabiyeen hub Nukliyeer ah oo ay dhulka hoostiisa ku qarxiyeen.
Sawirro dayax-gacmeed lagu qaaday iyo xog sirdoon ah ayaa muujinaya in dhaqdhaqaaq uu ka jiray goobta nukliyeerka ee Punggye-ri, kaasoo la leeyahay waa tijaabadii 5aad.
Maanta oo Jimca ah ayaa waxay sidoo kale tahay maalinta qarannimada ee dalkaasi, ayadoo loo dabaal dagayo markii uu billowday hogaanka shuuciga ah ee uu awoowgiis curiyay, Kuuriyada Waqooyi waxay munaasabadahan oo kale u adeegsataa inay ku soo bandhigto awooddeeda ciidan.
Hay’adda daraasaadka dhul gariirada ayaa waxay sheegaysaa in gariirka waqooyiga bari ee dalkaas laga dareemay uu qarax ka dhashay, laakin ma aysan sheegin nooca qaraxa uu ahaa. Maraykanku wuxuu sheegay inuu isha ku hayn doono waxa ay noqon doonto sababta qaraxaasi.
Ra’iisul wasaaraha dalka Japan Shinzo Abe ayaa isagana waxa uu shir jaraa’id ka sheegay in haddii la xaqiijiyo in tijaabo nukliyeer la sameeyey ay Japan markaa cabasho u gudbin doonto Pyongyang.
Qaramada Midoobay ayaa dalka Kuuriyada waqooyi hadda ka hor ka mamnuucday inay samayso wax tijaabo ah oo ku saabsan hubka nukliyeerka ama gantaallada ridda dheer, laakin dalka Waqooyiga kuuriya ayaan dhagta jalaq u siin amaradaasi ka soo baxay Hay’adda qaramada midooby.
FADLAN LIKE SII BOGGA DAAJIS.COM EE FACEBOOK.
_____________________
Xafiiska Shabakada Daajis.com
USA-Alaska
Ceelka@gmail.com
www.daajis.com
Facebook Blogger Plugin by deercali.blogspot.com | Get Widget
Posted by , Published at 00:30 and have
