daajis.com:- Madaxweynaha Ruushka Vladimir Putin ayaa xaqiijiyay in Moscow ay mar hore geysatay hubka Nukliyeerka ah waddanka Belarus, isagoo xasuusiyay reer Galbeedka inaysan u horseedi karin guuldarro istiraatiiji ah Ruushka.
"Madaxdaxyadii ugu horreeya ee nukliyeerka ayaa la geeyey dhulka Belarus. Laakiin kaliya marka hore waxaan geynay qaybta hore. Waxaanse si buuxda u qaban doonnaa shaqadan dhammaadka sannadka, "ayuu yiri Putin.
Isagoo ka hadlayay fagaaraha dhaqaalaha Ruushka ee magaalada St. Petersburg Jimcihii, Putin wuxuu ku nuuxnuuxsaday inuusan u arag wax baahi ah in Ruushka uu hadda u adeegsado hubka nukliyeerka.
Tallaabada uu qaaday ee ah in uu hubka Nukliyeerka ah ee ridada gaaban geeyo Belarus, kaas oo loo isticmaali karo goobta dagaalka, waxa uu uga dan lahaa in uu digniin u diro reer galbeedka oo ku saabsan hubaynta iyo taageerada Ukraine, ayuu yidhi hogaamiyaha Ruushka.
Aqalka Cad ayaa cambaareeyay hadalka Putin, isagoo sheegay in Mareykanka uusan wax isbedel ah ku sameyn doonin mowqifkiisa Nukliyeerka, isagoo ka jawaabaya hadalladaas.
FADLAN LIKE SII BOGGA DAAJIS.COM EE FACEBOOK.
_____________________
Xafiiska Shabakada Daajis.com
USA-Alaska
Ceelka@gmail.com
www.daajis.com
Facebook Blogger Plugin by deercali.blogspot.com | Get Widget
Posted by , Published at 22:22 and have
