Ba |
Demba Ba ayaa si rasmi ah ugu wareegay
kooxda haysata horyaalka Yurub ee Chelsea isagoo u saxiixay heshiis saddex sano
iyo bar uu kula joogayo.
Illaa iyo hadda si rasmi ah looma
shaacin qiimaha ay Chelsea kulasoo wareegtay ba hase yeeshee waxaa la rumeysan
yahay in lacagta ay kula soo wareegtay ay tahay £7.5m taasoo ah qiimaha lagu
jebin karay heshiiska uu kula joogay Newcastle.
Weeraryahankan oo 29 gool dhaliyay 54
kulan oo uu saftay mudadii uu la joogay Tyneside ayaa xiran doona maaliyada No
29 ee Stamford Bridge.
Ba ayaa waxa uu u sheegay shabakada
Chelsea: “Waxaan ku faraxsanahay inaan halkan joogo oo aan Chelsea ka mid
noqdo.
“Marka ay koox ku guuleysatay ChampionLeague ay ku soo dalbato
go’aanku wuu fudud yahay. Kooxdan waa mid weyn taasina waa mid sababtay in si
fudud aan ugu soo wareego.”
Chelsea ayaa waxa ay u dhaqaaqday in ay soo iibsato Ba kadib
markii ay iska iibisay Daniel Sturridge iyadoo kooxda Liverpool kula wareegtay
£12million.
Weeraryahankii hore ee West Ham ayaa waxa uu kula tartami doonaa
Fernando Torres inuu boos ka helo weerarka kooxda uu macalinka u yahay Benitez
Facebook Blogger Plugin by deercali.blogspot.com | Get Widget
Posted by 22:15 and have
, Published at