daajis.com:-20-Sargaal oo katirsan Ciidamada AMISOM kana soo jeeda Dalka Uganda ayaa shaqadii ay hayeen laga joojiyay kadib markii lagu helayay dambiyo la xariira in ay musuq maasuqeen Cunooyinka iyo Shidaalka loogu tala galay Ciidamada AMISOM ee Soomaaliya ka howl gala.
Xubnaha dacwada loo haysto ayaa waxa ka mid ah Taliyaha ciidamada Ugandha Mechel Ondonga oo la filayay in laga dhigo safiirka Uganda u fadhinaya Kenya iyo saraakiil kale oo sar sare oo katirsan Ciidamada Uganda kuwaa oo hada ah kuwa aan shaqeeneyn oo laga joojiyay howlihii ay ciidanka ka dhax wadeen.
Afhayeen u hadlay ciidamada Militariga dalka Uganda Cornel Bady Akunda ayaa xaqiijiyay jiritaanka dacwadaha loo heesto saraakiishan iyo in shaqada laga joojiyay waxa uuna xusay in ay jiraan Saraakiil hoose aan wax mushaar ah mudo lasiin hadana raashinkii iyo shidaalkii loogu tala galay laga sii iibsaday.
Dhanka kale Afhayeenka ciidamada AMISOM ee Soomaaliya Corrnel Cali Adan Xumud oo ka hadlay arintaan ayaa sheegay in wax laga xumaado ay tahay musuqaan ay ku kaceen Saraakiishan AMISOM katirsanaa waxa uuna dalbaday in baaritaano dheeraad ah arintan lagu sameeyo.
_____________________Xafiiska Shabakada Daajis.com
USA-Alaska
Ceelka@gmail.com
www.daajis.com
Facebook Blogger Plugin by deercali.blogspot.com | Get Widget
Posted by 16:28 and have
, Published at