Qaxootigaan Soomaalida ah oo ay weheleiyaan qaxooti ka kala yimid wadamada Sudan iyo Ethiopia ayaa bilihii la soo dhaafay waxaa hoy u ahaa dhismo ay si sharci daro ay ku jabsadeen laakiin dacwad ka timid milkiilha dhismahaas ayaa waxay maxkamadu ay go'aamisay inay ka baxaan dhismahaas hadii kale si xoog ah looga saari doono taas oo keentay inay Soomaalidaas iyo qaxootigaas kale ay si iskood ah ay uga baxaan goobtaas xilli aysan aqoon meel kale oo ay afka saaraan si ay ugu noolaadaan, Qaxootigaan oo uu xoghayah arimaha qaxootiga dalka Holland ninka lagu magacaabo Fred Teeven uu u soo jeediyey inay dib ugu noqdaan oo ay iska xaadiriyaan xarunta xerada qaxootiga ee la iska dhiibo ee lagu magacaabo Ter Apel asagoona u balanqaaday in qofkii doonaayo inuu dib ugu noqdo dalkiisa la siin doono lacag dhan ilaa iyo 4.500 oo euro, Laakiin qaar badan oo ka mid ah qaxootigaas ayaa arintaas gaashaanka ku dhuftey oo sheegay inaysan jirin meel ay ku noqon karaan waqtigaan