Maxkamada sare ee Dalka Kenya ayaana ku amartay Telefshinada hawada ka maqan ee ka howl galayay Dalkaasi oo markoodii horey wax ku baahin jiray Analog loona badalo qaabka casriga ee Degital.

Garsooraha maxkamadda sare ee dalka Kenya David Majanja oo ah ayaa waxa kama jiraan kasoo qaaday codsi ay soo qoreen golaha warbaahinta qaranka dalkaasi, oo ahaa in dib loo dhigo go’aanka lagu soo rogay telefishinada dalkaasi.

David Majanja ayaa sheegay in aan marnaba la aqbali doonin in Telfishinada ka howl gala Dalka Kenya ee kusii shaqeeyaan qaabkoodii hore laganadoonayo in ay u hogaansamaan amarka ah in ay u wareegaan Qaabka Digitalka ah.

Telefishinada ka maqan hawada ee dalka Kenya ayaa ah kuwa loogu jecel yahay, waxa ayna kala yihiin Citizen, Nation TV iyo KTN, iyadoo si caadi ah hawada ay ugu jiraan labada telefishin K24 iyo Telfishinka Dowlada ee KBC.

Qareenka u doodaya telefishinada hawada ka maaqan ee Paul Muite ayaa sheegay in go’aan ay qaadatay maxkamadda ay racfaan ka qaadan doonaan, si xal loo helo Telfishinada hawada ka maqana ay dib hoolahooda u bilowdaan.

Telefishinada Hawada ka maqan Madaxdooda ayaa ku doodaya in macaamiishooda aysan heli karin qalabkan casriga ee Digital ee Barnaamijyadooda iyo Wararkooda ayna saameyn badan ku keeneyso amarka Maxkamada .