daajis.com:-shirguddoonada Baarlamaanka Somaliland ayaa maanta u yeedhay Wasiirka
Arrimaha gudaha iyo Taliyaha Booliiska Somaliland kuwaas oo ay ku
eedaynayaan in Ciidankooda Booliisku sifo sharci daro ah Habeen iyo
maalin ku xidheen Xildhibaan Saleebaan yuusuf Cali Koore oo ka tirsan
Golaha Wakiiladda Somaliland.
Labada
shirguddoon, Wasiirka Arrimaha Gudaha, Taliyaha Booliiska Sareeyo Guuto
C/laahi Fadal iyo saraakiil sare sare oo Boolis aha yaa saaka kulamo
gooni gooni ah oo ay kaga hadlayaan xadhiga xildhibaan Saleebaan Yuusuf
Cali Koore kaasoo tuuladda Huduse ay ku xidheen habeen hore isagoo ka
soo noqday Taleex, hase yeeshee kulamadan dhinacyada midkooda na
Saxaafadda ugamuu waramin.
Xadhiga
Xildhibaan Saleebaan Yuusuf Cali Koore ayay wararku sheegayaan in uu ka
dhashay Qori gaadhiga uu saarnaa oo ay booliisku ka heleen gaadhigiisa
markii ay ku baadheen Tuuladaasi, halka ay Baarlamaanku ku doodayaan in
ay ahayd markii uu Booliska isku sheegay in ay faraha ka qaadaan
maadaama uu Xildhibaanku ka yimi deegaankiisa oo ah taleex isla markaana
uu qoriga u sitay arrin dhinaca Amaankiisa la xidhiidha.
Lama
oga dhinacyadu halka ay arrinta xildhibaanka dhigeen hase yeeshee waxay
labada aqal ee Baarlamaanka muddo dheer ku faaqidayeen talaabada
Booliisku ka qaaday xafiisyada labada shirguddoon oo ay masuuliyiinta
booliiska ugu yimaadeen.
Baarlamaanka
Somaliland ayaa dhinacooda ku doodaya in aan xildhibaana la xidhi Karin
illaa la qabto isagoo danbi gacmaha kula jira, halka ay Booliiska ku
eedaynayaan in ay xidheen xildhibaan socoto ah oo Degmadiisii ka yimi
kaasoo tagay xili xaalada deegaankiisa ka taagan ay cid walbaaba og
tahay isla markaana aanau jirin sharci ka mamnuucaya Amaankiisa in uu
ilaaliyo maadaama Somaliland aanay deegaankiisa ka talin.
Xildhibaan
Saleebaan Yuusuf Cali Koore ayay Kooxdii Khaatumo eek a talin jirtay
deegaanka uu ka soo jeedo ee Taleex hore u af-duubeen kolonyo gaadiid ah
oo uu hogaaminayey, kuwaas oo uu kalidii ka badbaaday halka intii kale
ay ka dhigeen wax ay dhaawacaan, kuwo ay dilaan iyo kuwo ay maxaabiis
ahaan ku kaxaystaanba.
_____________________Xafiiska Shabakada Daajis.com
USA-Alaska
Ceelka@gmail.com
www.daajis.com
Facebook Blogger Plugin by deercali.blogspot.com | Get Widget
Posted by 18:54 and have
, Published at