daajis.com:-Cabsi xoogan oo ka taagan qeybo ka tirsan gobolka Gedo iyo cidamo Itoobiyaan ah oo gaaray halka.
Wararka naga soo gaarayo gobalka Gedo ayaa waxa ay sheegayaan in halkaas ay ka soconayaan dhaqdhaqaaqyo ciidan oo ka dhan ah xarakada Al-Shabaab ee ku sugan gobalkaas.
Gudoomiye ku xigeenka Gobalka Gedo Cabdi Bare Cabdi oo la hadlaayay Idaacadaha magalada Muqdisho ayaa sheegay in ay isu diyaariyeen dagal ka dhan ah ciidanka Al-Shabaab oo looga saarayo goobaha ay kaga suganyihin gobalka Gedo.
Gudoomiye ku xigeenka ayaa intaa ku daray in ciidamada Itoobiyaan ah oo ka tirsan AMISOM in ay soo gaareen Garbahaarey waxa uuna cadeeyay in ay dagaal toos oo wadajir ah ku qaadi doonan ciidamada Al-Shabaab.
Waxa kale uu xaqiijiyay in dagaalka ay si wadajir ah u qaadi doonaan ciidamada Itoobiya, Kenya oo AMISOM ka wada tirsan iyo militariga Soomaaliya iyaga oo dadaalo ugu jira gacan ku dhigista deegaanada gobolka oo ay ka taliyaan xarakada Al-shabab.
Ciidamada ayaa la filiyaa in dagaalka ugu horeeya ay ku qaadi doonaan magaalooyinka Buurdhuube iyo Baardheere oo ay ku xooganyihin Ururka Al-Shabaab.
FADLAN LIKE SII BOGGA DAAJIS.COM EE FACEBOOK.
_____________________
Xafiiska Shabakada Daajis.com
USA-Alaska
Ceelka@gmail.com
www.daajis.com
Facebook Blogger Plugin by deercali.blogspot.com | Get Widget
Posted by , Published at 21:23 and have
