daajis.com:-Xoogag la tuhunsanyahay in ay ka tirsanyihiin Urur Diimeedka Boko
Haram ayaa nolosha ku gubay 11 qof oo rayid ah, sida ay ku warameen
saraakiisha amaanka ee waqooyiga-bari dalka Nigeria.
Weerarkani oo ka dhacay xaafad lagu magacaabo Jakana oo ku taalla
gobolka Borno ayaa waxaa qasaaraha ka dhashay xaqiijiyay Seneterka
gobolkaasi Ahmed Zannah.
Xaafada dadkan lagu laayay ayaa qiyaastii 10 Km u jirta xaafad kale oo sabtidii la soo dhaafay lagu dilay 39 qof oo kale.
Wali ma jirto cid si deg deg ah u sheegatay masuuliyada weerarkani,
hase ahaatee saraakiisha iyo dadka deegaanka ayaa ku eedeeyay in ay ka
dambeeyaan kooxda Islaamiga ah ee Boko Haram.
Bishii May ee sanadkii hore ayey ahayd markii xaalad Deg deg ah lagu
soo rogay gobolka Borno, halkaasoo ay ciidamada Milatariga Nigeria ka
bilaabeen howl galo ka dhan ah xoogaga Falaagada.
Amarkaasi ayaa ka soo baxay madaxweynaha Nigeria Goodluck Jonathan oo
wacad ku maray in uu soo af jari doono xoogaga qalalaasaha ka wada
dalkiisa.
FADLAN LIKE SII BOGGA DAAJIS.COM EE FACEBOOK.
_____________________
Xafiiska Shabakada Daajis.com
USA-Alaska
Ceelka@gmail.com
www.daajis.com
Facebook Blogger Plugin by deercali.blogspot.com | Get Widget
Posted by , Published at 19:12 and have
