daajis.com:-Madaxweynaha Maraykanka Barack Obama ayaa ugu baaqay dhiggiisa Ruushka Valadimir Putin inuu xal diblumaasiyadeed u raadiyo dhibaatada Ukraine.
Labada madaxweyne ayaa la sheegayaa inay hal saacad ku wada hadlayeen telefoonka.
Madaxweynaha Ruushka ayaa sheegay in aanay haboonayn in dhibaatada Ukraine ay raad ku yeelato xiriirka labada dal.
Gobolka Crimea
Ciidammada Ruushka ayaa si buuxda ula wareegay gobolka Crimea ee Ukraine kaddib markii xukunka laga tuuray madaxweynihii Ruushka u janjeeray ee Viktor Yanukovych.
Warbixin ka soo baxday aqalka cad ee Maraykanka ayaa lagu sheegay in Obama uu u sheegay Putin in tallaabooyinka uu dalkiisa ka qaaday Ukraine ay yihiin kuwa wax u dhimaaya madaxbanaanida Ukraine.
Dibedbaxyo ka dhacay gobolka Crimea
Obama ayaa sheegay in sida kaliye ee arrinta lagu xalin karo ay tahay inay wadahadlaan Ruushka iyo dowladda KMG ee Ukraine.
Ruushka iyo mas'uuliyiinta gobolka afka Ruushka looga hadlo ee Crimea ayaa labaduba sheegay in aanay aqoonsanayn dowladda KMG ee Kiev.
Madaxweynaha Ruushka Vladamir Putin
Midowga Yurub ayaa sheegay inuu joojiyay wadahadal ay la laahaayeen Ruushka oo ku saabsanaa sidii loo fududeyn lahaa safarka dadka Ruushka ay ku imaanayaan dalalkooda.
Waxay sheegeen in tallaabooyin dheeri ah ay qaadi doonaan haddi Ruushku dib uga noqon waayo tallaabooyinka uu ka qaaday Ukraine.
Maraykanka iyo Yurub ayaa ku gacaseyray go'aanka baarlamaanka Crimea ee ay ku sheegeen inay ku biireen dalka Ruushka.
_____________________
Xafiiska Shabakada Daajis.com
USA-Alaska
Ceelka@gmail.com
www.daajis.com
Facebook Blogger Plugin by deercali.blogspot.com | Get Widget
Posted by , Published at 21:52 and have
