Qaar kamid ah hay’adaha xaquuqul Aadanaha iyo kuwa muslimiinta u dooda ee kusugan Dalka Ingiriiska ayaa si kulul u dhaleeceeyay Duqa Magaalada London , waxa ayna tilmaameen in hadalkiisa ay ka muuqato Cunsuriyad iyo faquuq gaar ah oo lagu hayo dadka Muslimiinta ah.

Duqa Magaalada London ayaa sheegay Waalidiinta Xagjiriinta ah ee kunool Dalka Ingiriiska in ay u fududahay in ay caruurtooda maskaxda ka badalaan arintaasina ay tahay qatar weyn , waxa uuna ugu baqaay Dowlada Ingiriiska dadka lagu helo falalka la xariira xagjirnimada in lagala wareego caruurtooda.

Dadka Muslimiinta ah ee kunool Magaalada London ayaa hadalka Masuulkan katirsan Dowlada Ingiriiska ku tilmaamay kuwo ay ka muuqato cunsurinimo lagu bartilmaameedsanayo dadka muslimiinta ee kunool Dalkaasi.

Dhawaan ayey aheed markii Maxkamad kutaala Dalkaasi Xukuno xabsi daa'n ah ku riday Labo Nin oo Muslimiin ah, kuwaa oo Magaalada London ku dilay Askari katirsanaa ciidamada militariga Ingiriiska.