Gudoomiyaha Cusub ee Degmada Hodan ayaa ah Nin dhalinyaro ah oo wax kusoo baraty Dalka Sudan, waxaana lagu Magacaabaa Cabdi Qaadir Cali Kulane Ninkan dhalinyarada ah ayaa xilka kala wareegay Gudoomiyhii ugu da’da weynaa Gudoomiyaasha Degmooyinka Gobolka Banaadir Cabdi Maxamuud Warsame Dhabaney.

Gudoomiyaha Gobolka Banaadir ayaa xilka ka qaaday 12-kamid ahaa Gudoomiyaashii Degmooyinka Gobolka Banaadir , waxa uuna xilkaasi Muungaab u Magacaabay Dhalinyaro intooda badan kasoo baxay Jaamacdo kuyaala Dalka Dibadiisa gaar ahaan Dalka Sudan.

Shacabka Magaalada Muqdisho ayaana ka war dhoorayaa isbadalka ay la imaan doonaan dhalinyaradan wax kusoo baratay Dalka Dibadiisa ee gacanta loo galiyay maamulka Degmooyinka Gobolka Banaadir , waxaana Xusid mudan in Gudoomiyaashii hore aysan u badneen rag wax soo bartay balse wax badan qabtay intii ay joogeen.