Al-Shabaab ayaa sheegtay dilalka loo geystay labada xildhibaan ee shalay iyo maanta lagu dilay magaalada Muqdisho, waxaana dilalkan ay muujinayaan sida uu u liito ammaanka Xildhibaanada oo aan badankood heysan ilaalo.

Gudoomiye Jawaari oo ka hadlayay kulankii Baarlamaanka oo saaka ku yeelan lahaa magaalada Muqdisho, balse uu dib u dhacay ayaa waxaa uu sheegay in marnaba aanan howlaha Baarlamaanka u haayo shacabka hakin doonin dilalkan.

"Waxaa jeclahay inaan u xaqiijiyo Xildhibaaada shacabka marna ma hakin doonaan howlaha aan u dhaaranay, maalintii aan u dhaaranay ayaa waxaa noqoay naftood hurayaal, Xildhibaan kasta wuxuu diyaar u yahay inuu guto waajibkiida, mana cabsi gelineyso falalkan"ayuu yiri Prof. Jawaari.

Gudiga Arrimaha Gudaha iyo Amniga ee Baarlamaanka ayaa kulan ku leh Xarunta Golaha shacabka, iyagoo ka arinsanaya arrimaha ammaanka xildhibaanada iyo dilalkii u dambeeyay ee labadii maalmood ee u dambeysay Xildhibaano ka tirsan Baarlamaanka loogu geystay magaalada Muqdisho