daajis.com:-Dagaalyahanno la rumeysan yahay inay
Al-Shabaab yihiin, ayaa weeraray hoteello iyo saldhig booliis oo ku
yaalla deegaanka Mpeketoni oo ku dhow jasiiradda looga dalxiiska tago ee
Lamu, milatariga Kenya ayaa sidaas sheegay.
Dad goob joogayaal ah ayaa sheegay inay arkeen dhismooyin dab uu qabsaday iyo is-rasaaseyn xooggan oo ka dhaceysa deegaankaasi.
“Waxaan arkay ugu yaraan meydadka lix qof oo dhulka yaalla” ayuu yiri qof goob-jooge ah.
Dagaal yahannada ayaa lagu warramay inay hubka iyo gaadiidka kasoo
dhaceen saldhigga booliiska Mpeketoni, kadib markii ay dab qabadsiiyeen.
Dhammaan dadkii daganaa deegaanka Mpeketoni, ayaa la sheegay inay u
qaxeen keymaha, kadib markii uu weerarka billowday 8-dii habeennimo ee
xalay oo axad ahayd.
Afhayeen u hadlay ciidamada Kenya Major Emmanuel Chirchir, ayaa sheegay in dableyda ay soo galeen Mpeketoni, kadibna ay rasaas oodda ka qaadeen.
“Waxaan u maleynayaa inay yihiin Al-Shabaab” ayuu yiri Chirchir.
Taliyaha booliiska Mpeketoni Hamaton Mwaliko, ayaa isna wakaaladda wararka
ee Reuters u sheegay in dagaalyahannada Al-Shabaab ay afduubteen
baabuur yaallay magaalada Witu, kadibna ay weerarka kusoo qaadeen.
“Waxay marka hore weerareen saldhigga booliiska ee Mpeketoni, kadibna Hoteello badan oo uu ku jiro Farmers Hotel” ayuu yiri.
Waxa uu sheegay inay baxsadeen, balse ay ku raad joogaan.
Weerarkan ka dhacay jasiiradda dalxiis ee Lamu, ayaa sii wiiqaya
dhaqaalihii dalxiis ee Kenya, oo markii horeba dhulka sii galayey, kadib
weeraro is-daba joog ah oo dalkaas ka dhaca
FADLAN LIKE SII BOGGA DAAJIS.COM EE FACEBOOK.
_____________________
Xafiiska Shabakada Daajis.com
USA-Alaska
Ceelka@gmail.com
www.daajis.com
Facebook Blogger Plugin by deercali.blogspot.com | Get Widget
Posted by , Published at 13:39 and have
