daajis.com:-Wararka naga soo gaaraya magaalada muqdisho ee caasimadda dalka
Soomaaliya ayaa sheegaya in Kooxo hubaysan ay toogasho ku dileen labo
askari oo ka tirsan Ciidamada ilaalada waddooyinka Dowladda Federaalka
ah ee Soomaaliya ee Taraafikada isgoyska Dabka ee degmada Waabari.
Wararka ayaa intaas ku daraya in kooxda dilka gaysatay ay ka
koobnaayeen Sedex ruux oo bastoolada ku hubaysan, kuwaasi oo rasaas la
dhacay Labadaan askari oo howl maalmeedkooda ku guda jiray, iyagoo
markiiba goobta ka baxsaday sida ay warbaahinta u sheegeen dad
goobjoogeyaal ahaa.
Ciidamada ammaanka dowladda Federaalka ah ee Soomaalida sida
Nabadsugidda iyo Booliiska ayaa markiiba goobta gaaray waxaana hadda
agagaarka Isgoyska Dabka ee degmada Waabari ka soconaya Baaritaano lagu
baadi goobayo kuwii dilka ka dambeeyay oo la sheegay in markii ay dilka
fuliyeen ay ku baxsadeen gaari yar oo ay watteen.
Taliyaha Ciidanka Ilaalada waddooyinka Dowladda Federaalka ah ee
Soomaaliya Cali Xirsi Cali Gaab oo la hadlay warbaahinta ayaa xaqiijiyey
dilka Labadaan askari, isagoo sheegay in ay wadaan baaritaano.
"Labada Askari ee ka tirsan Ciidamada Nabadgalyada waddooyinka waxaa
lagu dilay Isgoyska Dabka, waxaana lagu kala magacaabay Isaaq Salaad
Jimcaale iyo Maxamuud Maxamed Maxamuud, Nimankii Bastooladaha wadan
jireey ahaayeen, ninkii tiisu gasho ayaa dhimanaya, ninka aan tiisu
galin dhiman mayo" ayuu Yiri Cali Gaab.
Dilka Labadaan askari ee ka tirsan Ciidamada Nabadgalyada waddooyinka
Muqdisho, xilli dowladdu ay ku dhawaaqday qorshe ammaanka lagu sugayo
oo loogu magac daray" Nabad ku Afur", balse inta badan Ciidamada
Taraafikadu kama aysan mid ahaan jirin kuwa la beegsado, iyadoo ay ka tirsan yihiin Ciidamada Booliiska.
Ugu dambayntii illaa hadda ma jirto cid sheegatay Masuuliyadda
Dilkaan loogu labada Askari ee ka tirsanaa Ciidamada Ilaalada
waddooyinka Dowladda Soomaaliya, waana markii ugu horaysay ee dil loo
gaysto saraakiil ka tirsan Ciidamadaan Tafaarikada inta la xasuusto.
FADLAN LIKE SII BOGGA DAAJIS.COM EE FACEBOOK.
_____________________
Xafiiska Shabakada Daajis.com
USA-Alaska
Ceelka@gmail.com
www.daajis.com
Facebook Blogger Plugin by deercali.blogspot.com | Get Widget
Posted by , Published at 21:09 and have
