daajis.com:-Degmooyinka gobolka Banaadir qaar ka mid
ah ayaa la dhigay ciidamo loogu magac daray Nabad ku-afur iyo kuwo Boolis
iyo Nabadsugid ka kooban oo loogu talagalay inay xoojiyaan amaanka
magaalada Muqdisho, si ay shacabka Sooman nabad ugu afuraan.
Ciidamadan oo tiradooda gaaraya 300 ayaa waxaa loo qeybiyay
degmooyinka iyo xaafadaha laga cabsi qabo iney weeraro ka geystaan
Al-Shabaab ama inay wax kasoo tuuraan.
Ku dhawaad Boqol askari ayaa la dejiyay Warshaddii Barafuunka ee
degmada Heliwaa, halkaasi oo maalmo ka hor ay ka guureen ciidamo ka
tirsan AMISOM, kuwaasi oo wadooyinka lagu arkayay caawa.
Sidoo kale Boqol askari oo Nabad ku-afur ah ayaa waxaa lagu daadiyay
agagaarka warshadda biyaha Caafi ee dhinaca Degmada Dayniile iyo jidka
Warshadaha ee degmada Yaaqshiid.
Sidoo kale ciidamadan ayaa waxaa xarumo ay ka sameysteen agagaaraha Dekadda Muqdisho, Xabsiga Dhexe ee Xamar iyo qeybo kale.
Waxaa ciidamadan Nabad ku-afur barbar socda ciidamo kale oo
Nabadsugid ah iyo kuwo Boolis ah, kuwaasi oo wadooyinka iyo Isgoysyada
ka howlgalaya, kuwaasi oo gaadiidka baaraya.
FADLAN LIKE SII BOGGA DAAJIS.COM EE FACEBOOK.
_____________________
Xafiiska Shabakada Daajis.com
USA-Alaska
Ceelka@gmail.com
www.daajis.com
Facebook Blogger Plugin by deercali.blogspot.com | Get Widget
Posted by 13:44 and have
, Published at