daajis.com:-Gabar 20-sano jir ah oo u dhalatay dalka Pakistan ayaa si xun loo
dilay iyadoona kahor inta aan la dilin gabadhan ay kufsadeen sadax nin
oo manaxayaal ah kuwaa oo kufsiga kadib kasoo laad laadiyay geed weyn oo
kuyaalay halka ay ku kufsadeen.
Muzammil Bibi oo ah gabadha falkan foosha xun lagu sameeyay ayaa
kusugneed beer ay reerkooda leeyihiin oo kutaala deegaan ay dagaan dadka
saboolka ah oo lagu magacaabo Layyah kana tirsan Gobolka Punjab ee
Dalka Pakistan, waxaana halkaasi kusoo weeraray Sadax nin oo kufsi kula
dhaqaaqay xiligaa kadibna inta ay dileen kasoo laad laadiyay geed.
Xubno katirsan Reerka Gabadhan ayaa markii ay tageen beerta waxa ay
la kulmeen dhacdadan argagaxa leh , waxa ayna xiligaa kadib iyaga oo
murugeesan ku wargaliyeen Ciidamada booliiska Deegaanka uu falku dhacay .
Sargaal katirsan Booliiska Pakistan oo lagu magacaabo Sadaqat Ali
Chohan ayaa sheegay in uu aad u argagaxay markii uu arkay sida gabadhan
loo galay , waxa uuna tilmaamay 22-sano uu kusoo jiray Howlaha Ciidanka
booliiska in uusan arag falkan mid lamid ah.
Dalalka Pakistan iyo Hindiya waxaa ka dhaca dhacdooyin murugo leh oo
loo geesto gabdhaha kunool Dalakaasi , waxaana dhawaan Dalka Hindiya
laga helay labo gabdhood oo iyagana inta la dilay laga soo laad laadiyay
geed.
FADLAN LIKE SII BOGGA DAAJIS.COM EE FACEBOOK.
_____________________
Xafiiska Shabakada Daajis.com
USA-Alaska
Ceelka@gmail.com
www.daajis.com
Facebook Blogger Plugin by deercali.blogspot.com | Get Widget
Posted by 16:30 and have
, Published at