daajis.com:-Afhayeenka Booliska Col. Qaasim Axmed Rooble ayaa ka warbixiyay
howl gal ballaaran oo maanta laga sameeyay qeybo ka mid ah magaalada
muqdisho, iyadoo howl galkan uu saameyn ku yeeshay Jidka Maka Al-Mukarama.
Col. Qaasim ayaa sheegay in howl galkan uu ahaa mid ammaanka lagu
xaqiijinayay, isagoo xusay in magaalada oo dhan uu ka socdo, ayna ku dadaalayaan inuusan saameyn ku yeelan adeega bulshada oo
uu socdo.
“Howl galkan amniga ayaa lagu xaqiijinayay, magaalada xamar oo dhan
ayuu ka socday, waxaa ku dadaaleynaa in adeega bulshada uu socdo, hadii
hakado ay yimaadeen iyo meelihii qaar ee la marayay howl galku saameeyay
waan ka raali gelineynaa”ayuu yiri Afhayeenka Booliska.
Afhayeenka Booliska ayaa sheegay inay xogo ay heleen hey’adaha
ammaanka oo ku aadan falal amni daro, isagoo xusay in howl galka ay dad u
soo qab qabteen iyo waxyaabo kale.
“Howl galka ilaa iyo hada waxaa lagu soo qabtay dad badan oo ah
wiilal yar yar oo la soo qalday, runtii waxaa u soo bandhigi doonaa
saxaafada”ayuu yiri Afhayeenka Laamaha amniga dowladda Col, Qaasim Axmed
Rooble.
Howl galkan maanta laga sameeyay qeybo ka mid ah magaalada Muqdisho,
gaar ahaan wadada maka al-mukarama ayaa ku soo beegmaya, iyadoo maanta
dilal kala duwan ay ka dhaceen Muqdisho, kaasoo ugu dambeeyay dil loo
geystay Xildhibaan ka tirsanaa Baarlamaankii KMG ahaa.
FADLAN LIKE SII BOGGA DAAJIS.COM EE FACEBOOK.
_____________________
Xafiiska Shabakada Daajis.com
USA-Alaska
Ceelka@gmail.com
www.daajis.com
Facebook Blogger Plugin by deercali.blogspot.com | Get Widget
Posted by 22:01 and have
, Published at