daajis.com:- In ka badan 20 askari oo ka tirsan maamulka Axmed
Madoobe ayaa la sheegay in ay u goosteen dhinaca Korneel Barre Aadan
Shirre Hiiraale oo ku sugan deeganka Goobweyn ee gobalka Jubbada Hoose.
Sarkaalka hoggaaminaya ciidamada ka goostay maamulka KMG ah ee Jubba
ayaa ka warbixiyay sababta ugu goosteen dhinaca Barre Hiiraale iyo wax
yaabaha ay qoonsadeen.
Sarkaalkan oo lagu magacaabo Farxaan Daahir Shidane ayaa sheegay in
ay ka mid ahaayeen ciidamadii ugu horreeyay ee lagu soo tababbaray Kenya
isla markaana Shabaab ka saaray magaalada Kismaayo.
Wuxuu sheegay oo kale in ay qoonsadeen kaddib markii ay arkeen in
maamulka KMG ah ee Jubba ay awooda kala wareegeen koox jabhad ah oo lagu
magacaabo Raaskambooni sidda uu hadalka u dhigay.
Sarkaalkan ayaa xusay in Jabhadda Raskambooni oo ah hal qabiil in ay
magaalada Kismaayo ka billaabeen in ay shir qoolaan ciidamada kale ee ka
tirsan maamulka KMG ah ee Jubba kuwaasoo lagu dilay magaalada Kismaayo.
Mar la weydiiyay qaabka ay uga soo goosteen maamulka Axmed Madoobe,
wuxuu sheegay in ay ka mid ahaayeen ciidamo badan oo laga soo saaray
magaalada kuwaasoo la dajiyay meel ku dhow garoonka diyaaradaha Kismaayo
kaddibna ay sidaas ku soo baxsdeen sidda uu yiri.
Wuxuu sheegay in ay ku faraxsan yihiin in ay u soo goostaan Korneel
Barre Hiiraale isagoona intaas ku daray in dhawaan magaalada Kismaayo
laga saari doono Jabhadda Raaskambooni ee xoogga ku qabsaday magaalada
sidda uu hadalka u dhigay.
Ma jirto wax war ah oo ka soo baxay dhinaca maamulka KMG ah ee Jubba
oo ku aadan ciidamada la sheegay in ay ka goosteen ee ku biiray korneel
Barre Hiiraale hadda ku sugan deeganka Goobweyn oo 8km jirta Kismaayo.
_____________________
Xafiiska Shabakada Daajis.com
USA-Alaska
Ceelka@gmail.com
www.daajis.com
Facebook Blogger Plugin by deercali.blogspot.com | Get Widget
Posted by 21:56 and have
, Published at