daajis.com:-Al-shabaab ayaa xalay weerar khasaare xoogan dhaliyay ku qaatay
Jasiirada Lamu ee dalka Kenya, iyadoo weerarkaasi ay ku dhinteen 14 qof,
tiro kalena ay ku dhaawacmeen.
Weerarkaan oo ka dhacay labo goobood, waxaana kan koowaad lagu qaaday
Jasiirada Lamu oo Lix qof ay ku dhinteen, halka weerarka kale uu ka
dhacay deegaanka Gambe.
Kooxaha weerarka geystay ayaa guryo ku gubay deegaanka ay Hindidu ku
badan tahay ee jasiirada Lamu, waxay sidoo kale weerareen saldhig
ciidan.
Al-Shabaab ayaa mas’uuliyada weerarkaan sheegatay, in kooxihii
weerarkaasi fuliyayna ay si nabad ah dib ugu soo laabteen halkii ay ka
weerar tageen.
“Innaga ayaa weerarradaas qaaday waxaana ku dilnay dad badan,
xoogaggeenniina waxay dib ugu soo laabteen iyagoo nabad qaba halkii ay
ka duleen,” ayuu yiri afhayeenka howlgallada Al-shabaab Sheekh C/casiis
Abuu-Muscab.
Deegaanka Hindida ay ku badan tahay ee Jasiiradda Lamu ayaa waxay ku
dhow dahay degmada a Mpeketoni oo bishii hore uu ka dhacay weerarro ay
ku dhinteen 63-qof, kuwaasoo ay mas’uuliyaddooda sheegatay Al-shabaab.
Jasiiradda Lamu ayaa waxaa bishii lasoo dhaafay ka dhaca weerar ay
ku dhinteen 60-qof kuwaasoo ay sheegatay Al-shabaab, deegaankaas burbur
xooggan uu kasoo gaaray dhismayaasha deegaanka iyo saldhigyada booliiska
ee Mpeketoni.
Weerarkaas ayaa waxaa sheegatay Al-shabaab, inkastoo madaxweynaha
Kenya uu sheegay in weerarkaas uu ahaa mid ay ka dambeeyeen shabakado
Kenyan ah oo uusan magacyadooda carra-baabin.
Mushkilada dowladda Kenya ka haysata Al-Shabaab ayaa ah sababta ay
ciidamadeeda ugu soo dirtay Somalia oo kaga sugan 4,000 askari oo qayb ka
ah howlgalka Midowga Afrika ee AMISOM, kuwaasoo dagaal kula jira
xoogagga Al-shabaab ee ku sugan deegaannada Koonfurta Soomaaliya.
FADLAN LIKE SII BOGGA DAAJIS.COM EE FACEBOOK.
_____________________
Xafiiska Shabakada Daajis.com
USA-Alaska
Ceelka@gmail.com
www.daajis.com
Facebook Blogger Plugin by deercali.blogspot.com | Get Widget
Posted by , Published at 17:06 and have
