Gaariga ayaa xiliga uu qarxayay yaalay goob barxad ah uu dhigtay ninka islahaa , mana jiraan ilaa hada wax qasaaro ah oo ka dhashay qaraxa gaarigaasi lagu xiray oo si weyn looga maqlay Degmada Xamar Weyne.

Sida Wararka aan ku heleyno gaariga waxyaabaha qarxa lagu xiray waxaa iska lahaa Maareeye kuxigeenka Dakada Muqdisho ee qeybta Canshuuraha ninka lagu magacaabo Cabdi Cali , waxa uuna gaariga yaalay guri uu dagan yahay hortiisa, mana jirin cid saarneed markii uu qarxayay .

Qaraxyada gaadiidka loogu xiro Masuuliyiinta iyo shaqaalaha Dowlada Soomaaliya ayaa mudooyinkan dambe noqday kuwa kusoo kordhay Magaalada Muqdisho, qaraxyadan ayaana Masuuliyiinta iyo dadka kalaba ku beertay cabsi ku aadan in gaadiikooda loogu xiro.