daajis.com:-Ra’iisul wasaaraha Soomaaliya, Cabdi Weli Sheekh Axmed, ayaa si rasmi
ah u magcaabay agaasimaha cusub ee hay’adda nabad sugidda iyo sirdoonka
qaranka Soomaaliya.
Ra’iisul Wasaare Cabdi Weli, ayaa xilkaas u magacaabay C/llaahi
Maxamed Cali (Sanbaloolshe) oo horey u ahaa safiirkii Soomaaliya u
fadhiyey dalka Ingariiska.
Cabdullahi Sanbalooshe, waxa uu kasoo jeeda gobolka Hiiraan, waxaana
uu ka dhashay beesha Xawaadle, ayada oo dadka qaar ay sheegeen inay
dhanka hooyada ay qaraabo ka yihiin madaxweyne Xasan Sheekh, uuna ugu
aadan yahay abti.
Madaxweynaha Soomaaliya, Xasan Sheekh Maxamuud, ayaa oggollaaday
magcaabista agaasimaha cusub ee hey’adda Nabad Sugidda iyo Sirdoonka
Soomaaliya C/llaahi Maxamed Cali (Sanbaloolshe).
Dowladda ayaa sheegtay in tallaabadan ay qeyb ka tahay isbaddellada
dhinaca ammaanka ee ay sameyneyso Xukuumadda Federaalka Soomaaliya,
kadib markii Al-Shabaab ay xarumahoodii ugu timid.
Maanta ayaa wasiirka Amniga Qaranka Soomaaliya loo magcaabay General
Khaliif Axmed Ereg, iyadoo taliyaha ciidammada Booliska Soomaaliyeedna
loo magcaabay Maxamed Sheekh Xasan Ismaaciil, taasoo looga jawaabayey
weerarkii Al-Shabaab ay ku qaaday xarunta madaxtootada Soomaaliya.
FADLAN LIKE SII BOGGA DAAJIS.COM EE FACEBOOK.
_____________________
Xafiiska Shabakada Daajis.com
USA-Alaska
Ceelka@gmail.com
www.daajis.com
Facebook Blogger Plugin by deercali.blogspot.com | Get Widget
Posted by 01:11 and have
, Published at